Mika 3
3
1Mwinye ava veye mitwe gya Yakobo, na mwinye avamehanga mu inyumba ya Israeli: si ga dukanga mwinye kumanya likalaga? 2Mwinye avadunyiranga ubulahi, na mu yanza budamano; mwinye ava fuvulanga magodo gavo kutwula kuvo, nenyama yavo kutwula ku vigumba vyavo; 3kandi ava litsanga inyama yemibiri gya avandu vange, na ava nyenya magodo gavo, nokuvunannya vigumba vyavo, nokuvitemaga vidonye, kuli kuvivika mu inyingu, kuli inyama i veye mu sufuria. 4Inyinga yeyo va lanira Yahova, navutswa a la vula kuvativulira; yee, a la visa mmoni mwimwe va vule kumulola inyinga yeyo, kuli va koli budamano mu likola lyavo.
5Yahova a vola ndi ku avaprofeti avagotidzanga avandu vange; ava lumanga na amino gavo, nokukupa lwanga nokuvola, Mirembe; noku vosi a vula kuvika kindu mu minwa gyavo, va lomba bulwani kuye. 6Kigira yaga bu la va ubudiku ku mwinye, mu vule kunyola malola; na ki la va kisundi ku mwinye, mu vule kuva nobusegetiri; neliuva li lika ku vaprofeti yavo, lidiku yilyo li la va limwamu kuvo. 7Na valoli va la va isoni, na vasegetiri va la genya; yee, vosi va la kunika minwa gyavo; kigira si ha veye nelitivula lya Nyasaye. 8Navutswa ku inze, ligali nzizuye tsingulu tsya Roho wa Yahova, nelikalaga, nobunyali, kwilwadzira Yakobo mahyolo gege, na Israeli ubwoni bwibwe.
9Mwadza, mu hulire yaga, mwinye ava mu veye mitwe gyenyumba ya Yakobo, na mwinye avamehanga mu inyumba ya Israeli, avadunyiranga likalaga, nokukyaminya ubulungi. 10Vombakanga Zioni na masahi, na Yerusalemi nobudamano. 11Ava veye mitwe gyalyo va kalaga kunyola vikukula, navasalisi valyo vegidzanga kunyola madanyi, navaprofeti valyo va ng'olanga kunyola ifetha: navutswa va yeka ku Yahova, ni va vola, Yahova si a veye hagati hetu? Ubudamano si bu la duka ku kwinye. 12Kunangwa Zioni li la limwa kigira mwinye, na Yerusalemi li la gwa vitumi, na kigulu kyenyumb ki la va kuli hadiguluku homulitu.
Currently Selected:
Mika 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
