Matayo 8
8
1Lwa ya sulunguta na a twula mkigulu, viduma vinene vya mu londa. 2Kandi henza, yadza kuye mugere na a mu sigamira, na a vola, Mwami, nu u yanza, u nyala kumbo nnya. 3Ya nyira mkono, na a mu dira, na a vola, Nyanza; u hone. Nonoho ubugere bwibwe bwa honnywa. 4Yesu ya mbolera, U henze bulahi, u ta volera mundu kali mulala; navutswa u tsie, wimannye ku musalisi, u twulidze kihaanwa kya Musa ya laga, ki ve kilolekidza ku avandu.
5Lwa ya li ni yingira mu Kapernaume, munyampara yadza kuye, na a saala; 6na a vola, Mwami, mutumwa wange u goni mu inyumba a lwalanga, u fwogoyi, a saliranga ligali. 7Ya mu volera, Ndadza kumuhonnya. 8Munyampara ya tivula na a vola, Mwami, si ndukani ive wingire munyumba yange; navutswa vola likuva vutswa, na mutu mwa wange a la hona. 9Kigira inze mbeye mundu mkekeke ku sirikali, kandi mbeve navasikari vake keke ku inze: ni mbolera uyu, Tsia ma a tsia; na uyu, Hamba, ma yadza, na mutugwa wange, Kola yaga, ma a kola. 10Yesu lwa ya hulira ndiyo ya genya, na a volera ava mu londa Ligali mmu volera, Nkikiri kuiola lisuuvira linene kuli yili, kali mu Israeli. 11Na inze mmu volera, vanyingi va la twula ivugwe na madioli, va likala halala na Abrahamu, na Isaka, na Yakobo mbwami bwomigulu: 12navutswa avana vobwami va la tebwa mkisundi kyekyova: li la ka ve lilira nokudyedyeidza amino. 13Yesu ya volera munyampara, Tsia; kuli wa li kusuuvira, ga la kolwa ndiyo ku ive. Mutumwa wewe ya hona ku isaa yeyo.
14Yesu lwa ya duka mu inyumba ya Petro, ya lola navizala wa Petro na a goni, na a lwala uluhudza. 15Ya mu dira mkono gwigwe, noluhudza lwa mu leka; na a vuka na a mu tumekira. 16Lwa gwa duka mgolova, va mu letera vanyingi ava mademone ga va gumira: na ya kunga amademone nelikuva, na a honnya vosi ava li ni va lwala. 17Ga duke aga volwa nomunwa gwomuprofeti Isaya na a vola, Mwene ya vugula ubudekeranu bwetu na ya ginga ubulwaye bwetu.
18Yesu, lwa ya lola viduma vinene vya mkumbiridza, ya haana munwa kwambuka engereka. 19Mung'odi mulala yadza kuye na a mu volera, Mwegidzi, nda ku londa ha u tsia hosi. 20Yesu ya mbolera, Vibwe vi veye nebogo, na manyonyi ge igulu ga veye netsinyumba; navutswa Mwana wa Adamu si a veye na ha kugona mba. 21Wundi ku vegi dzwi veve ya mbolera, Mwami, u mbe munwa ntange kutsia kuta dada wange. 22Navutswa Yesu ya mbo lera, U nonde, u leke avakudzu va te avakudzu vavo. 23Lwa ya nina mu liato, avegi dzwi veve va mu londa. 24Kandi henza, kihudzudzi kinene kya huudza mu inyanza, ne viguvuli vi luha vi duka kukunika liato: navutswa ya li na a gona tsindolo. 25Vadza kuye ni va mbukidza, ni va vola, Mwami, u ku konye, ku divanga. 26Ya va volera, Kigira ki mu tia, mwinye avelisuuvira likekeke? Hene yaho ya singira, na a gaya imbuudza nenyanza; ni gu va muleng'era munene. 27Navandu va genya, ni va vola, Ni mundu ki zana uyu wembuudza nenyanza vi mu hulira?
28Lwa ya duka engereka mkivala kya Vagadara, avandu vaviri avamademone ga gumira, va vugana naye, va twula mbilindwa, va li avalulu ligali, kali mundu si ya nyala kuvita ku inzira yeyo. 29Kandi henza, va hanzuka ni va vola, Ku veye ndi nive, Yesu, Mwana wa Nyasaye? Udzi hano kukukupidza kivi inyinga i kikiri kuduka? 30Kyayo kyetsimpidzi tsinyingi kya li ho ihale navo, kyayanga. 31Amademone ga mu goonya ga vola, Nu u ku kunga, u ku tume ku tsie mkyayo kyetsimpidzi. 32Ya ga volera, Tsii. Ma ga twula ni ga tsia kwingira mtsimpidzi: kandi henza, kyayo kyosi kya sulunguta bwangu ku kisulungutu ni kingira mu inyanza ni ki kudzera mmadzi. 33Avayi viruka ni va tsia mu lidala, ni va vola vyosi, na makuva ga va mademone ga gumira. 34Avelidala vosi va twula ni va tsia kuvugana na Yesu: kandi lwa va mu lola va mu goonya ligali a twule mu tsizako tsyavo.
Currently Selected:
Matayo 8: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
