Matayo 7
7
1Mu ta kalagira mba, na mwinye mu ta kalagirwa. 2Kigira likalagira lya mu kalagira, mu la kala girwa nalyo: na mugero gwa mu gera, nagwo mu la gererwa ku. 3Kandi kigira ki u henza lindu li veye mmoni yamwavo wowo, navutswa si u ganagana ku musala gu veye mmoni yoyo? 4Kinga u la nyala ndi kuvolera amwavo wowo, Amitu, leka nku twulidze lindu mmoni yoyo; na henza musala gu veye mmoni yoyo? 5Mugadi ive, u tange kutwulidza musala gu veye mmoni yoyo; kunangwa u la lola bulahi kutwulidza lindu mmoni yamwavo wowo.
6Nakyo kitakatifu mu ta ha tsimbwa, kandi mu ta sikisa tsilulu tsyenyu imbiri wetsimpidzi, gase tsi la tsi duvaga nevirenge, na tsi girunkane na tsi mu tandule.
7Mu saale, mu la hebwa; mwenye, mu la nyola; mwigulihidze, mu ligulirwa. 8Kigira ku vosi u saala a hebwanga; nowenya a nyolanga; nowigulihidza yigulirwa. 9Kinga ibwaha ku mwinye, mwana wewe na a msaaya ubukima a la muha ligina. 10Kinga na a saava isudzi a la muha inzoka? 11Mwinye ava veye avadamano, ni mu manya kuha avana venyu vindu vilahi, nasindi Dada wenyu u veye migulu a la kira kuhaana vindu vilahi kuvo ava msaala? 12Ku vyosi vya mwenya avandu va mu kolere, mwinye mu va kolere ndiyo kandi: kigira yaga ga veye malago navaprofeti.
13Mwingire mkiliango ki veye king'erere: kigira inzira i tsitsa hokudividza ni mambalalu, nekiliango kyayo ki veye kigalamu na vanyingi vingiranga mu. 14Kiliango ki veye king'erere ki tsitsa mu liva mwoyo, nenzira yakyo i veye ing'erere, navo ava ki lola ni vakekeke.
15Mu gelihe ku vaprofeti vobubehi, vadza ku mwinye viviki tsingubo tsyamagondi, navutswa mmyoyo gyavo va veye visalang'ongo vyomulitu, vilulu. 16Mu la va manya ku makuyu gavo. Avandu va nyala kwagula mazabibu ku mafwa? Kinga vagula makuyu ku matagalu? 17Na ndiyo misala gyosi milahi gyamanga makuyu malahi; navutswa musala mudamano gwamanga makuyu mada mano. 18Musala mulahi si gu nyala kwama makuyu madamano, kandi musala mudamano si gu nyala kwama makuyu malahi. 19Ku misala gyosi ogu tama makuyu malahi gu temagwa, nokutebwa mmuliru. 20Kunangwa ku makuyu gavo mu la va manya. 21Si va lingira vosi mbwami bwomigulu ava mbolera, Mwami, Mwami, navutswa uyu u kola ubulaliri bwa Dada u veye migulu. 22Ku lidiku yilyo vanyingi va la mbolera, Mwami, Mwami, si kwa profeta ku lieta lilyo, kandi si kwa twulidza amademone ku lieta lilyo, kandi si kwa kola miyinzi minene minyingi ku lieta lilyo? 23Hene yaho nda va volera, Si nda mu manya mba, mu twule ku inze, ava kola kirage.
24Ku vosi u hulira amakuva gange yaga, na a ga kola, a la fwananywa nomundu mugeeri, wombaka inyumba yeye ku lwanda: 25imbula ya kupa, na madzi gizulira, nembuudza ya huudza, vya kupa ku inyumba yeyo; navutswa si ya gwa mba: kigira ya handa ku lwanda. 26Ku vosi u hulira amakuva gange yaga, na a vula kugakola, a la fwananywa nomundu musiru, wombaka inyumba yeye ku muyeke: 27imbula ya kupa, na madzi gizulira, nembuudza ya huudza vya kupa ku inyumba yeyo; ya gwa: kandi ligwa lyayo lya li linene.
28Yesu, lwa ya mala amakuva yaga, viduma vya genya megidzo gege: 29kigira ya vegidza kuli mundu u veye netsingulu, si yegidza kuli avang'odi vavo.
Currently Selected:
Matayo 7: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
