Matayo 21
21
1Lwa va duka himbi ne Yerusalemi, ni va duka Bethfage, mu kigulu kya Mizeituni, hene yaho Yesu ya tuma avegidzwi veve vaviri, 2na a va volera, Tsii mu lidala li veye ha engereka na mwinye bwangu mu la nyola isukiri i boheywi, nekimoli kyesukiri halala nayo: mu tsi boholole mu ndetere. 3Kandi mu ndu na a mu teva kindu mu la vola, Mwami a tsyenya; nonoho a la tsi leta. 4Ga kolwa ndi ga duke agomprofeti ya vola, na a vola,
5Mu volere mkana wa Zioni, Henza, Mwami wowo yadza ku ive,
Muhooma, u nini kwisukiri, Noku kimoli kyesukiri.
6Avegidzwi va tsia ni va kola kuli Yesu ya va laga; 7ni va leta isukiri nekimoli kyayo, ni va vika ku tsingubo tsyavo; naye yikala ku. 8Vanyingi vekidurna vaala tsingubo tsyavo ku inzira; na vandi va temaga tsisya ku misala, ni vaala ku inzira. 9Kiduma kya mwimirira, na kya londa inyima, va hanzuka, ni va vola, Hozana ku mwana wa Daudi u gasi yadza ku lieta lyo Mwami; Hozana mwigulu. 10Lwa ya mala kwingira Yerusalemi, lidala lyosi lya vukidzwa, ni va vola, Ibwaha uyu? 11Na viduma vya vola, Uyu nomprofeti, Yesu, wa Nazareti lya Galilaya.
12Yesu yingira mu litempeli lya Nyasaye, na a kunga vosi va gula ni va kirannya mu litempeli, na a kunaminya tsimeza tsya va kirannya tsishilling, nevisako vya va li ni va gula makuulu; 13na a va volera, Ga ng'odwa, Inyumba yange i la langwa inyumba yokusaala: navutswa mwinye mu gi kola i ve luhang'aywa lwavivi. 14Na vaboku navaleema vadza kuye mu litempeli; na a va honnya. 15Navutswa avasalisi vanene navang'odi lwa va lola vindu vyokugennya vya ya kola, navana va li ni va hanzuka mu litempeli, ni va vola, Hozana ku mwana wa Daudi va vihirirwa, 16ni va mu volera U hulira aga yava va vola? Yesu ya va volera, Yee: si mwa soma, Ku munwa gwavana nogwa va nuna, u lombi ubwidzominyi? 17Na a va leka, na a twula mu lidala kutsia Betani, na a gona vo.
18Mugamba lwa yirana ku inzira kutsia mu lidala, ya li nenzala. 19Na a lola mkuyu ku inzira ha luvega, na a tsia kugwo, navutswa si ya nyola ku kindu mba, amatu geng'ine; na a gu volera, Ga ta va makuyu ku ive inyinga yosi. Nonoho mkuyu gwa niala. 20Avegidzwi lwa va gu lola, va genya, ni va vola, Mkuyu gu niaye ndi bwangu? 21Yesu ya tivula na a va volera, Ligali mmu volera, Mwinye ni mu veye nelisuuvira, mu ta hayahayidza si mu la nyala kukola kuli ga kolwa ku mkuyu geng'ine, navutswa kali mu duka kuvolera kigulu yiki, Ive u gingwe u sikiswe mu inyanza, ga la kolwa. 22Na vindu vyosi vya mu teva mu lisaala nelisuuvira, mu la vi nyola.
23Lwa ya mala kuduka mu litempeli, avasalisi vanene navakulundu vavandu vadza kuye lwa yegidzanga, ni va vola, Ive u kola vindu yivi netsingulu ki? Kandi ibwaha wa ku ha tsingulu yitsi? 24Yesu ya tivula na a va volera, Inze kandi nda mu teva liteva lilala; ni mu volera inze yili, kandi nda mu volera tsingulu tsya nkolera vindu yivi. 25Libatidza lya Yohana, lya twula ha li ki? Lya twula mwigulu naho ku vandu? Navo va ganagana ni va volerana, Ni ku vola, Mwigulu; a la ku volera, Kigira ki mwa vula kumubugirira? 26Navutswa ni ku vola, Ku vandu; ku tidza kiduma; kigira vosi va vola, Yohana nu mprofeti. 27Kunangwa va tivulira Yesu, ni va vola, Si ku manya mba. Na Yesu ya va volera, Kandi inze si mmu volera tsingulu tsya nkolera vindu yivi. 28Navu tswa mu vola ki? Mundu ya li navayai vaviri; ni yadza ku wambiri na a mu volera, Mwana, lero tsia u yinzire mu kizabibu. 29Navutswa ya tivula na a vola, Si ntsia mba: navutswa inyima yeganira na a tsia. 30Yadza ku wanyima na a mu volera ndiyo kandi. Naye ya vola, Ntsitsa, Mwami: navutswa si ya tsia mba. 31U li ha ku vaviri yava wa kola ubulaliri bwa ise? Va vola, Wambiri. Yesu ya va volera, Ligali mmu volera, avasololi vobushutu navaheyi vingira mu bwami bwa Nyasaye imbiri wenyu. 32Kigira Yohana yadza ku mwinye ku inzira yobulungi, na mwinye si mwa mu suuvira mba; navutswa avasololi vobushutu navahevi va mu bugirira: na mwinye lwa mwa ga lola si mweganira inyima, mu duke kumusuuvira.
33Mu hulire lugano lundi: Ha li nomundu mwene inyumba wa simika kizabibu, na a lomba lugaga, na a yava mu lina lyokukamira mu mazabibu, ni yombaka kitaradzi, na a ha avalimi, na a tsia mu kivala kindi. 34Lwa muhiga gwa mazabibu gwa duka himbi ya tuma avatugwa veve ku valimi, kuvugula mazabibu gege. 35Avalimi va vugula avatugwa veve, ni va kuya mulala, ni viita wundi, ni va lasa wundi namagina. 36Kandi va tuma avatugwa avandi avanyingi kuvita ku vambiri: ni va kola ndiyo kuvo. 37Navutswa inyima ya tuma mwana wewe kuvo, na a vola, Va la tia mwana wange. 38Navutswa avalimi lwa va lola mwana wewe va volerana, Uyu nu mhili womwandu, hambi, ku mwiite, ku hile vindu vivye. 39Ni va mu gumira ni va mu twulidza mu kizabibu, ni va mwiita. 40Kunangwa mwami wekizabibu lwa a li duka a la kola ki ku valimi? 41Va mu volera, A lononnya muna avandu vadamano yavo, na a ha avalimi avandi mulimi gwigwe, ava li mu letera mazabibu mu mihiga gyago 42Yesu ya va volera, Si mwa soma mang'oda,
Ligina lya vombaki vambakana,
Yili lya duka kuva mutwe gwoiwiga;
Yaga ga twula ku Mwami,
Ga veye gokugennya mu tsimoni tsyetu?
43Kigira yaga mmu volera, Mu la nyagwa ubwami bwa Nyasaye bu hebwe ihiri i leta makuyu gabwo. 44Uyu u gwa kwigina yili a la vunika: navutswa wa li li gwira, li la mu salannya kuli lugukyi. 45Avasalisi vanene na Vafarisayo lwa va hulira tsing'ano tsitsye, va manya a vola kuvo. 46Kandi lwa venya kumgumira, va tia viduma, kigira va vola a veye muprofeti.
Currently Selected:
Matayo 21: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
