Matayo 22
22
1Yesu ya tivula na a va volera kandi mu tsing'ano, na a vola, 2Ubwami bwomigulu bu fwanana nomwami mulala wa kolera mwana wewe kiserero. 3Ya tuma avatu gwa veve va va lange ava li va lagwa kuudza mu kiserero: si venya kuudza. 4Kandi ya tuma avatugwa avandi, na a va volera Mu volere ava li va langwa, Henzi, mmali kulomba vyokulia vyange; tsing'ombe tsyange nevinolu vyange vi mali kwiitwa, na vyosi vi tegekeywi: muu dze mu kiserero. 5Navo va kola kihenyahenye, ni va tsia mulala mu mulimi gwigwe, nowundi mu vindu vyelikirannya vivye; 6na vandi va gumira avatugwa veve, ni va va kupidza kivi, ni va viita. 7Navutswa mwami ya vihirirwa; na a hila mahe gege kwononnya avalumindi yavo, na a samba lidala lyavo. 8Ya volera avatugwa veve, Kiserero ki mali ku lombwa, navutswa ava li ni va langwa si va dukani nakyo. 9Mu tsie ha tsipalapala tsi vuganira, navo vosi va mu li nyola, mu lange vadze mu kiserero. 10Avatugwa va samula ni va tsia mu tsipalapala, ni va vungidza halala vosi va va nyola, avadamano navalahi: ma kiserero kizula avageni. 11Navutswa mwami lwa ya duka kulola avageni, ya nyola mundu ya vula kwivika ingubo yekiserero: 12na a mu volera, Mulina, wingira ndi hano nu u ta ve nengubo yekiserero? Naye ya kiring'ana. 13Hene yaho mwami ya volera ava tumekiri veve, Mu mu bohe mikono nevirenge, mu mu te mu kisundi kyekyova; ha la va nelilira nokudyedyeidza amino. 14Kigira vanyingi va langwa, navutswa vakekeke va tovoleywi.
15Hene yaho Vafarisayo va tsia, ni va volerana amakuva gokumutega ku makuva gege. 16Ni va tuma kuye avegidzwi vavo halala na Vaherodi, ni va vola, Mwegidzi, ku ku manya u veye mundu weligali, kandi wegidza inzira ya Nyasaye ligali si u veye nobutii bwavandi kali mulala: kandi si u henza ligondo lyavandu, 17U ku volere, u lola ndi? Nu bulahi kuha Kaisari ubushutu naho si bu li bulahi? 18Navutswa Yesu ya manya ububi bwavo, na a vola, Kigira ki mu ntega, Avagadi? 19Mu mmannye ifetha yobushutu. Ni va va mu letera ishilling. 20Na a va volera, Kifwananyi yiki ni kya bwaha, ni ling'oda lya bwaha? 21Ni va mu volera, Ni vya Kaisari. Hene yaho ya va volera, Mu he Kaisari vindu vya Kaisari, na Nyasaye vindu vya Nyasaye. 22Lwa va ga hulira, va genya; ni va mu leka ni va tsia.
23Ku lidiku yilyo vadza kuye Avasadukayo, ava vola si ha li nokusimuguka: ni va mu teva, 24ni va vola, Mwegidzi, Musa ya vola, Mundu na a kudza bugira avana, amwavo wewe yirannye mkali wewe, na a letere amwavo wewe avana. 25Kwa li iwetu navamwavo vatanu na vaviri: wambiri ya leta mkali na a kudza bugira avana, ya leka mkali, amwavo wewe ya mirannya; 26na ndi ka ndi wa kola vaviri, kandi wa kola vavaka, kali kuduka kuye wa kola vatanu na vaviri. 27Inyima ya vosi mkali kandi ya kudza. 28Mu lisimuguka a li va mkali wa u li ha, kigira vosi va li naye? 29Yesu ya tivula na a va volera, Mu kosanga, kigira si mu manya mang'oda, kandi tsingulu tsya Nyasaye. 30Kigira mu lisimuguka si va kwedza mba, kandi si va sererana, navutswa va veye kuli tsingelosi va Nyasaye mi gulu. 31Kandi mu makuva gelisi muguka lya vakudzi, mu ta soma ga Nyasaye a vola, na a vola, 32Inze ni Nyasaye wa Ahrahamu, ni Nyasaye wa Isaka, ni Nyasaye wa Yakobo? Nyasaye si a li Nyasaye wavakudzi navutswa wa va veye mwoyo. 33Viduma lwa vya hulira va genya migidzo gege.
34Navutswa Avafarisayo lwa va hulira ya kiring'annya Vasadukayo va vunga halala. 35Mulala kuvo mundu wa manya miima gyavo, ya mu teva na a mu genda, na a vola, 36Mwegidzi, lilago linene ku ma lago gosi ni li ha? 37Naye ya mu volera, U yanze Mwami Nyasaye wowo nomwoyo gugwo gwosi, neliva mwoyo lilyo lyosi, nobugeeri bubwo bwosi. 38Yili ni lilago linene kandi lyambiri. 39Lya kaviri li fwanana nalyo ni yili, U yanze mutende wowo kuli weyanza. 40Ku malago yaga gaviri amalago gosi gedira ku, kandi vaprofeti.
41Avafarisayo lwa va vunga halala, Yesu ya va teva, 42na a vola Mu lola ki ku makuva ga Kristoi A veye mwana wa bwaha? Ni va mu volera, Wa Daudi. 43Naye ya va volera, Ga veye ndi, Daudi, mu Roho, a mu langa Mwami, na a vola
44Mwami ya volera Mwami wange
Wikale ku mkono mulungi gwange,
Nduke kuvika vasigu vovo isi wevirenge vivyo?
45Daudi na a va ni ya mu langa Mwami, a veye ndi mwana wewe? 46Si ha li nomulala wa nyala kumutivulira likuva, kandi kutwula lidiku yilyo si ha li nomundu wa luvirira kumuteva kindu.
Currently Selected:
Matayo 22: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
