Jona 4
4
1Navutswa likuva yilyo lya vereridza Jona ligali, na a vihiridzwa muno. 2Naye ya saala Yahova, na a vola, Nku saalanga, O Yahova yili si li veye livola lyange, lwa nda li mu kivala kyange? Kigira yaga nda tanga kwiruka bwangu kutsia Tarshishi; kigira nda manya ive u veye Nyasaye wetsimbabasi, wizula livererera, mwikudziri ku butima, kandi wetsimbabasi tsinene, nowokugirunkana kuleka kivi. 3Kunangwa, O Yahova, nku goonyanga, u ntwulidzire livamwoyo lyange; kigira nobulahi inze nkudze kuvita kuva mwoyo. 4Na Yahova ya mu teva, Ga veye malahi ku ive kuvihirirwa? 5Ma Jona ya twula mu lidala, na yikala ku luvega lwevugwe lwelidala, na yelombera kidioli, na yikala hasi mu kiriri, a duke kulola lidala li la va ndi.
6Na Yahova Nyasaye ya lomba liungu, na a li kola li lande igulu ku Jona, li kole kiriri ku mutwe gwigwe, kumuhonnya mu liverera lilye lidamano. Na Jona ya yanza ligali kigira liungu. 7Navutswa Yahova ya lomba ingedza, inyinga ya bwa kya mugamba ku lidiku lya kaviri, nayo ya lia liungu, nalyo lya niala. 8Na ga duka, lwa liuva lya twula, Nyasaye ya lomba imbuudza yevugwe i sambanga; na liuva lya samba ku mutwe gwa Jona, naye ya kudza mwoyo, ni yeyenyera likudza, na a vola, Nobulahi ku inze kukudza kuvita kuva mwoyo. 9Na Nyasaye ya teva Jona, Ga veye malahi ku ive kuva nobutima kigira liungu? Naye ya tivula, Yee, ga veye malahi ku inze kuvihirirwa, kali kuduka likudza. 10Na Yahova ya vola, Ive wa vererera liungu, lya wa vula kukolera mivinzi kali mulala, kandi si a li ive wa li landidza; lyene lya mera ubu diku bulala, na lya diva mu budiku bulala: 11na inze si ga ndukira kuva netsimbabasi ku lidala lya Nineve, lidala linene, lya avandu va ve mu tsielfu mia na makumi gaviri ava ta nyala kumanya kwavukannya hagati ha makono gavo mulungi na mukono mmosi; kandi imitugu minyingi gyi veye mu?
Currently Selected:
Jona 4: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
