Jona 3
3
1Kandi likuva lya Yahova lya duka ku Jona hali kaviri, nokuvola, 2Vuka, u tsie Nineve, lidala yilyo linene, na wilwadze kulyo lilwadza lya nku laga. 3Kunangwa Jona ya vuka, na a tsia Nineve, kuli likuva lya Yahova. Lidala lya Nineve lya li lidala linene muno lyolugendo lwa madiku gavaka. 4Na Yona ya tanga kwingira mu lidala lugendo lwelidiku lilala, na ya hanzuka, na a vola, Inyima wamadiku makumi gane Nineve li la tung'aminywa.
5Na avandu va Nineve va suuvira Nyasaye; ni va landidza lilaga, Lihonga lilia li ve, na vivika magunia, kutwula ku munene kuduka ku mukekeke kuvo. 6Na likuva lya duka ku mwami wa Nineve, naye ya twula ku intebe yeye yobwami, na a navula ingubo yeye, ni yevika ligunia, ni yikala mu ligoke. 7Na ya haana munwa kulandidza mu lidala lya Nineve nelilaga lyomwami na avanene veve, kuvola, Mundu a ta tsatsama kyokulia kali hakuzuzu, kinga imi tugu, kinga vyayo vyetsing'ombe, kinga vya magondi; vi taya, kinga kunwa amadzi; 8navutswa vivika tsingubo tsyamagunia, avandu kandi imitugu, nokwanira Nyasaye ligali netsingulu tsyosi: yee, va girunkane vosi sa mulala, nokuleka inzira yeye indamano, nokuleka kirage ki veye mu makono gege. 9Ni bwaha u manya, mbula Nyasaye a la girunkana nokweganira, nokuleka ubutima bwibwe bululu, kwinye ku vule kudividzwa? 10Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.
Currently Selected:
Jona 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
