Jeremia 42
42
1Hene yaho avanyampara vosi velihe, na Johanan mwana wa Karea, na Jezania mwana wa Hoshaia, navandu vosi kutwula ku mukekeke kuduka ku munene, visunda himbi, 2ni va volera Jeremia mu profeti, Mwadza, lisaala lyetu li bugirirwe imbiri wowo, na ive u ku saavire ku Yahova Nyasaye wowo, livola li veye ku yavo vosi avatigala: kigira ku tigala vakekeke mu va li avanyingi, kuli tsimoni tsitsyo tsi lolanga kwinye, 3Yahova Nyasaye wowo a duke kukumannya inzira i ku dukiranga kugilonda, na inkuva i ku dukiranga kugikola. 4Hene yaho muprofeti Jeremia ya va volera, Inze mbuliye mwinye; henza, nda saala Yahova Nyasaye wenyu kuli makuva genyu; kandi ga la va ku vyosi vya Yahova a mu tivulira, inze ndilwadzira mwinye; si ndigalira ku mwinye kindu kali kilala mba. 5Hene yaho va volera Jeremia, Yahova a ve mulolekidzi weligali nobusuuvirifu hagati hetu, ni ku va ni ku vula kukola kuli kyosi kya Yahova Nyasaye wowo a la tuma ive kuleta ku kwinye. 6Ni ki va ni ki veye kilahi, naho ni ki va ni ki veve kidamano, kwinye ku la hulira mwoyo gwa Yahova Nyasaye wetu, wa ku tuma ive kutsia kuyebu duke kuva bulahi ku kwinye, lwa ku hulira mwoyo gwa Yahova Nyasaye wetu.
7Na ga duka inyima wa madiku likumi, likuva lya Yahova lya duka ku Jeremia. 8Hene yaho ya langa Johanan mwana wa Karea, na vanyampara vosi velihe ava li halala naye, navandu vosi kutwula ku mu kekeke kuduka ku munene, 9na ya va volera, Yahova, Nyasaye wa Israeli, wa mwa tuma inze kutsia kuye kuvika lisaala lyenyu imbiri wewe, a vola: 10Mwinye ni mu va ni mu kikiri kumenya mu kivala yiki, hene yaho nda mwombaka, si nda mu tsoma hasi mba, nda mu simika, si nda mwiha mba: kigira nzeganira ku budamano bwa nda mu kola. 11Mu ta tia mwami wa Babuloni mba, wa mu tidzanga; mu ta mu tia mba, Yahova a vola: kigira inze mbeye halala nemwi nye kumuhonnya, nokumutwulidza ku mukono gwigwe. 12Nda mu vera tsimbabasi, a duke kumuvere rera, nokumwirannya mwirane mu kivala kyenyu. 13Navutswa ni mu vola, Kwinye si kwenya kumenya mu kivala yiki; kuduka mu vule kuhulira mwoyo gwa Yahova Nyasaye wenyu; 14ni mu vola, Auwa; navutswa ku la tsia mu kivala kya Egepeti, kivala kya ku la vula kulola yo ubulwani, kinga kuhulira mwoyo gwekisiliva, kinga kuva nenzala ku lidaka vyokulia mba; ku la menya yo: 15kalunu mu hulire likuva lya Yahova mwinye ava tigala Vayuda: Yahova wa mahe, Nyasaye wa Israeli, a vola, Mwinye ni mu va ni mu henzidza mmoni mwenyu ligali kwingira Egepeti, mu tsie kumenya yo; 16hene yaho ga la va, kivavi kya mu tidza nga, ki la mu nyola yo mu kivala kya Egepeti, nenzala ya mu tidzanga, i la mu londerera ha Egepeti; na mu la kudzira yo. 17Ni ndiyo ga li va ku avandu yavo vosi ava li henzidza mmoni mwavo kutsia Egepeti kumenya yo; va la kudza nekivavi, nenzala, nobulwaye; si ha veye nomundu kali mulala kuvo u li tigala king kuhona ku budamano bwa ndi leta kuvo.
18Kigira Yahova wamahe, Nyasaye wa Israeli, a vola: Kuli livihiririrwa lyange nobutima bwange bwa tsukwa ku yavo ava menya Yerusalemi, ni ndiyo ubutima bwange bu li tsukwa ku mwinye, lwa mu lingira Egepeti; na mu la va lisufwa, neligenya, nelilaamwa, na manyego; na hano si mu la ha lola kandi mba. 19Yahova u voye ku vindu vyenyu, Mwinye avatigala va Yuda, mu tingira Egepeti mba: mu manye ligali, inze ndolekidza ku mwinye lero. 20Kigira mu koli ubugadi ku mwinye avene; kigira mwa tuma inze ntsie ku Yahova, Nyasave wenyu, ni mu vola, U ku saavire ku Yahova Nyasaye wetu; na u ku vuulire kuli gosi ga Yahova Nyasaye wetu a vola, na kwinye ku la kola ga zana. 21Na inze nzilwadzi ku mwinye lero ma kuva yaga; navutswa mwinye si mu huliye mwoyo gwa Yahova Nyasaye wenyu mu likuva lya a tumi inze ntsie nalyo ku mwinye. 22Kalunu kigira yaga mu manye ligali mu la kudza nekivavi, nenzala, nobulwaye, ha mwenya kutsia kumenya.
Currently Selected:
Jeremia 42: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
