Jeremia 43
43
1Na ga duka, lwa Jeremia ya mala kuvolera avandu yavo vosi makuva gosi ga Yahova Nyasaye wavo, aga Yahova Nyasaye wavo ya mu tuma kuvavolera, nago ga veye amakuva yaga gosi, 2hene yaho Azaria mwana wa Hoshaia, na Johanan mwana wa Karea, navandu vosi avoluyai, va vola, ni va volera Jeremia, Ive u volanga bubehi: Yahova Nyasaye wetu si a ku tumi kuvola, Mwinye mu ta tsia Egepeti kumenya yo; 3navutswa ni Baruku mwana wa Neria u ku goonyanga ku kwinye, a duke kukuvika mu makono ga Vakalidei, va duke kukwiita, nokukuhila avahambe kuduka Babuloni. 4Kunangwa Johanan mwana wa Karea, navanyampara vosi, navandu vosi, si va hulira mwoyo gwa Yahova mba, kumenya mu kivala kya Yuda. 5Navutswa Johanan mwana wa Karea, navanyampara vosi, va vugula avatigala va Yuda vosi, yava avirana kutwula mu tsihiri tsyosi tsya va kungwa kuhilwa mu, va menye mu kivala kya Yuda; 6avasatsa, navakali, navana, navakana vomwami, nomundu sa mulala wa Nebuzaradan munyampara wavalindi ya leka mmukono gwa Gedalia mwana wa Ahikam, mwana wa Shafan; na Jeremia muprofeti, na Baruku mwana wa Neria. 7Na vingira mu kivala kya Egepeti; kigira si va hulira mwoyo gwa Yahova: navo va duka Tahapenesi.
8Nonoho likuva lya Yahova lya duka ku Jeremia ha Tahapenesi, kuvola, 9Vugula magina manene mmukono gugwo, na u ga vise mbudohi mu lyombaka lyamatafali, bu veye ha bwingiriru bwenyumba ya Farao mu Tahapenesi, imbiri wetsimoni tsyavandu va Yuda; 10na u va volere Yahova wa mahe, Nyasaye wa Israeii, a vola ndi: Henza, nda tuma nokuvugula Nebukadirezaru mwami wa Babuloni, mutumekiri wange, na nda vika intebe yeye yobwami ku magina yaga aga nda visa; na a la singeridza lihema lilye lyobwami igulu wago. 11Naye a ladza, nokwingira nokukuya kivala kya Egepeti; yavo avang'olerwa likudza va liitwa; na yavo avang'olerwa buhambe va la va avahambe, na vang'olerwa kivavi va la va ku kivavi. 12Na nda fwana muliru mu tsinyumba tsyavanyasaye va Egepeti; naye a la va samba nomuliru, nokuvahila avahambe: na mwene a livika kivala kya Egepeti, kuli mwayi yivikanga tsingubo tsitsye; na a la twula yo nemirembe. 13Kandi a la tigula minara gya Bethshemeshi, gyi veye mu kivala kya Egepeti, netsinyumba tsya vanyasaye va Egepeti a la tsi samba nomuliru.
Currently Selected:
Jeremia 43: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
