Jeremia 41
41
1Na ga duka, ku mweli gu kola gyitano na gyiviri, Ishmaeli mwana wa Nethania, mwana wa Elishama, wolwivulu lwobwami, wa li mulala ku vanyampara vanene womwami, navandu likumi halala naye, ya tsia ku Gedalia mwana wa Ahikam ha Mizipa; na va lia halala ha Mizipa. 2Hene yaho Ishmaeli mwana wa Nethania, navandu likumi ava li ha lala naye, va singira nokukuya Ge dalia mwana wa Ahikam mwana wa Shafan nekivavi, nokumwiita, uyu wa mwami wa Babuloni ya vika kuva govuna wa kivala 3kandi Ishmaeli yiita Avayuda yavo vosi ava li halala naye, li vola li reye, halala na Gedalia, ha Mizipa, na Vakalidei ava loleka yo, avandu velihe.
4Na ga duka ku lidiku lya kaviri inyima wokwiita Gedalia, na si ha li nomundu wa manya yaga, 5avandu valala vadza kutwula Shekem nokutwula Shilo, nokutwula Samaria va duka avandu avasatsa makumi gatano na gavaka, navo va li ni va mali kuvega tsinderu tsyavo, nokutandula tsingubo tsyavo, navo va li ni va mali kwekalaga avene, va ginga mmakono gavo vihaanwa vyobusie nevimuli, vya va letanga ku inyumba ya Yahova. 6Na Ishmaeli mwana wa Nethania ya twula ha Mizipa kutsia kwagana navo naye ya li mu lilira ku inzira yosi na a genda: na ga duka, lwa ya vugana navo, ya va volera, hambi ku Gedalia mwana wa Ahikam. 7Na ga duka, lwa vingira hagati helidala, Ishmaeli mwana wa Nethania ya viita, na ya ra ta mbogo, uyu, navandu va li halala naye. 8Navutswa mu vandu yava va loleka mu avandu likumi ava volera Ishmaeli, U ta kwiita mba: kigira ku veye ne tsikiba tsyetu tsya viswa yo mu mulimi, akiba yobuswage na yeshairi, na ya maguta, na yobwuki. Ma ya va leka, si yiita avandu yavo halala navamwavo vavo mba. 9Ma ubogo yibwo ubwa Ishmaeli ya ta mu mibiri mikudzu gyosi gyavandu va yiita, himbi na Gedalia (bu veye ubwa Asa mwami ya yava kigira ya tia Baasha mwami wa Israeli), Ishmaeli mwana wa Nethania ya bwizulitsa na yavo aviitwa. 10Hene yaho Ishmaeli ya hila avahambe avandu vosi va tigala ha Mizipa, kali avakana vomwami, navandu vosi va tigala ha Mizipa, ava uyu Nebuzaradan munyampara wavalindi ya li ni ya va vika mmakono gwa Gedalia mwana wa Ahikam; Ishmaeli mwana wa Nethania ya va hila vahambe, na ya twula ho kutsia ku avana va Amon.
11Navutswa Johanan mwana wa Karea na vanyampara vosi ava li halala naye, lwa va hulira ubudamano bwosi bwa Ishmaeli mwana wa Nethania ya kola, 12hene yaho va vugula avandu vosi, ni va tsia kulwana na Ishmaeli mwana wa Ne thania, na va mu nyola himbi namadzi manene aga li ha Gibeon. 13Na ga duka avandu vosi ava li halala na Ishmaeli, lwa va lola Johanan mwana wa Karea, navanyampara vosi ava li halala naye, va sangala ligali. 14Ma avandu vosi ava Ishmaeli ya hila mbuhambe kutwula Mizipa va girunkana nokwirana, na va tsia ku Johanan mwana wa Karea. 15Navutswa Ishmaeli mwana wa Nethania ya hona ku mukono gwa Johanan, navandu vatano na vavaka halala naye, na va tsia ku avana va Amon. 16Ma Johanan mwana wa Karea, navanyampara vosi ava li halala naye, va vugula avandu vosi ava tigala ava ya nyola kandi ku Ishmaeli mwana wa Nethania, ha Mizipa, inyima wa Ishmaeli yiita Gedalia mwana wa Ahikam, avandu vasatsa velihe, navakali, navana, nevitsiri, ava ya li ni ya leta kandi kutwula Gibeon. 17Na va tsia ni va me nya Geruthu Kimham, ahimbi Bethlehemu va duke kutsia nokwingira Egepeti, 18kigira Vakalidei: kigira va va tia, kigira Ishmaeli mwana wa Nethania yiita Gedalia mwana wa Ahikam, womwami wa Babuloni ya mehidza ku kivala.
Currently Selected:
Jeremia 41: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
