Isaya 7
7
1Na ga duka mu madiku ga Ahazu mwana wa Jotham, mwana wa Uzia, mwami wa Yuda, Rezin mwami wa Siria, na Peka mwana wa Remalia, mwami wa Israeli, vanegira kutsia Yerusalemi kulwana nalyo, navutswa si va nyala ku li vugula. 2Navandu venyumba ya Daudi, va hilirwa makuva, kuvola, Siria va hambani na Efiraim. Na ya timukwa enkolo, navandu veve, kuli misala gyommulitu gyi hungudzangwa ne mbuudza.
3Kunangwa inyinga yeyo Yahova ya volera Isaya, Twula, u tsie kwa gana na Ahazu, ive, na Shearijashubu mwana wowo, ha kiheri kyomugerera gwelidavalia lyegulu, mu lihasi li tsitsanga mu kiguti kyavogidzi; 4u mu volere, Welinde, wehodzeridze; u ta tia mba, kandi u ta kudza mwoyo, kigira mikira gyiviri yigyi gyetsisese tsi vuyanga mwoki, na kigira ubutima ubululu bwa Rezin na Siria, nomwana wa Remalia. 5Kigira Siria, Efiraim na mwana wa Remalia, va saaviye makuva ku ive, nokuvola, 6Gendi, kwanegire kulwana na Yuda, ku va kupidze kivi, nokusasugula ha ku nyala kwingira, nokuvika mwami mulyo, mwanawa Tabeeli; 7Mwa mi Nyasaye a ku volera ndi, Inkuva yiyi i la vula kusingira, kandi si i la va ho mba. 8Kigira mutwe gwa Siria ni Damasko, na mutwe gwa Damasko ni uyu Rezin; kandi mu mi higa makumi gatano ne lilala na gyi tano Efiraim a la donywa vidonye, a vule kuva ihiri kandi: 9na mutwe gwa Efiraim ni Samaria, na mutwe gwa Samaria, ni uyu mwana wa Remalia. Ni mu va ni mu sula kusuuvira, ligali si mu la dinyeridzwa. 10Na Yahova ya volera Ahazu kandi, na a vola, 11U teve kilole kidzu ku Yahova Nyasaye wowo; u teve ku kyomu luliva hasi, kinga ku kyomigulu mwilonge. 12Na Ahazu ya vola, Si nda teva kilolekidzu mba, kandi si nda geridza Yahova. 13Naye ya vola, Mu hulire kalunu avenyumba ya Daudi: Ni kindu kike keke ku mwinye kuluhidza avandu ga luhe ga duke kandi ku mwinye kuluhidza Nyasaye wange? 14Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli. 15Maguta nobwuki a la lia, lwa a manya kusula ubudamano, nokutovola ubulahi. 16Kigira lwa mwana uyu a kikiri kumanya kusula ubu damano nokutovola ubulahi, kivala kyavami vakyo vaviri ava ive u dunyiranga ki la va king'anye. 17Yahova a la leta ku ive, noku avandu vovo, noku inyumba ya dada wowo, amadiku ga kikiri kuduka, kutwula ku lidiku lya Efiraim ya twula ku Yuda, kali mwami wa Asuria.
18Na ga la duka mu lidiku yilyo Yahova a la langira ingi i veye ku kiheri kyemigera gya Egepeti, nenzuki i veye mu kivala kya Asuria.
19Natsyo tsi ladza, na tsi la sosa tsyombi mivona li ta li navandu, nommalina gomu tsinyanda, nommafwa gosi, nomu viyairu vyosi.
20Mu lidiku yilyo Yahova a la vega mutwe namaswa gevirenge, nolugembe lwa nyolirwa na madanyi, ulu veye ku luvega lwengereka lwa Mugera halala nomwami wa Asuriana lu la dividza tsinderu kandi. 21Ga la va mu lidiku yilyo, mundu a la tuga kimoli namagondi gaviri: 22na ga la duka kigira mitugu yigyo gyi la va namaveere manyingi, a la lia maguta: kigira ku vosi u li lekwa mu kivala yikyo a la lia maguta nobwuki.
23Na ga la duka mu lidiku yilyo hosi ha li va nemizabibu elfu gyobuguli bwagyo bu veye tsifetha elfu, ga la va ho lutavati namafwa. 24Mu ndu a la tsia yo nemibano nobuta, kigira kivala yikyo kyosi ki la va ma fwa nolutavati. 25Na vigulu vyosi vya limwa nembako, ive si u la duka yo kigira ubutii bwamafwa nolutavati; navutswa ha la va hokuhila tsing'ombe, nokuduvugwa namagondi.
©Bible Society of Kenya, 1967