Isaya 8
8
1Na Yahova ya mbolera, Vugula kibao kinene, na u ng'ode ku nekalamu yomundu, Kigira Maherisha lali hashi-bazu; 2na nda nyola va lolekidzi avasuuvirifu kung'oda makuva. Navo ni Uria musalisi, na Zekaria mwana wa Jeberekia. 3Na nda tsia ku muprofeti mukali; naye ya vereka, na yivula mwana muyai. Hene yaho Yahova ya mbolera, U gulike lieta lilye Maherishalalihashi bazu. 4Kigira lwa mwana uyu a kikiri kumanya kuvola, Dada wange, na Mama wange, ubutugi bwa Da masko, nevilanye vya Samaria vi la hilwa imbiri womwami wa Asuria.
5Na Yahova ya mbolera kandi, ni ya mbolera, 6Kigira avandu yava va suye amadzi ga Shiloa aga genda galaha, na va sangalira Rezin nomwana wa Remalia; 7kunangwa kalunu, henza, Yahova a letanga kuduka kuvo amadzi go Mugera yigwo, ga veye netsingulu kandi manyingi, nago gu veye mwami wa Asuria nobukumi bwibwe bwosi: nago ga lanegira mu migera gyigye gyosi nokwizula kuvita luginga lwosi: 8na ga la vita kwanegira nokwingira Buyuda na ga lizula nokuvita hagati; ga la duka kwigoti; na linyira lyetsimbaha tsitsye li lizula ubugalamu bwekivala kikyo, O Imanueli.
9Mu kole liyoga, O mwinye avandu, mu wnanywe vidonye; mwinye ava mu veye mu vivala vye ihale mu tegidze amatu; mwebohe vikenge vyenyu, mu vunanywe vidonye; mwe bohe vikenge vyenyu, mu vunanywe vidonye. 10Mu lomba makuva ha lala, na ga la kolwa kuva vutswa; mu vole likuva, na li la vula kusingira: kigira Nyasaye a veye halala ne kwinye. 11Kigira Yahova ya mbo lera yaga nomukono gwetsingulu, nokunzegidza mbule kugenda mu inzira yavandu yavo, ya vola, 12Mu ta vola, Tsi veye tsimbemba, mu makuva gosi aga avandu yava va vola Tsi veye tsimbemba; kandi mu ta tia litihidza lyavo, kandi mu ta kola ubutii. 13Yahova wa mahe, niye wa mu takasa; uyu a ve ubutii bwe nyu, uyu a ve litihidza lyenyu. 14Naye a la va hobutakatifu; navutswa a la va ligina lyokwikigitalidza nolwanda lwelikigitala lyetsinyumba tsyombi tsya Israeli; a la va mutego nombeto ku avamenyi va Yerusalemi. 15Na vanyingi va likigitala ho, nokugwa, nokuvunika, nokugumirwa, nokuhambwa.
16Mubohe lilolekidza yilyo, na u vike muhuri ku malago hagati ha vegidzwi vange. 17Na nda lindirira Yahova, uyu u visanga mmoni mwi mwe ku inyumba ya Yakobo, na nda mhenzererera. 18Henza, inze navana va Yahova ya mba ku ve vilolekidza nevyokugenya mu Israeli vi twulanga ku Yahova wa mahe, u menyanga mkigulu kya Zioni.
19Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo? 20Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo. 21Va la vita hagati havyo, ni va tameywi, ni va veye nenzala, kandi ga la va, lwa va la va nenzala, va la vihirirwa, na va laama ku mwami wavo noku Nyasaye wavo, nokuginga tsimoni tsyavo ku henza igulu: 22na va la henza ku kivala, na henza, kivi nekisundi kisundi kyelitsunwa, na va la kungwa va tsia mu kisundi kinene.
©Bible Society of Kenya, 1967