Isaya 6
6
1Mu muhiga gwelikudza lyomwami Uzia nda lola Yahova ni yikaye ku intebe yobwami, igulu ligali, kya gingwa ligali; nolukigiti lwengubo yeye lwizula litempeli. 2Vaserafi (va vita tsingelosi tsingulu) va singira igulu waye: sa mulala ya li netsimbaha tsitano na lilala; tsiviri yekunika mmoni, na tsiviri yekunika virenge, na tsiviri ya bulukira. 3Mulala ya volera wundi, na a vola, Mutaka tifu, mutakatifu, mutakatifu ni Yaho va wa mahe: lirova lyosi lizuye ubukumi bwibwe. 4Na mise gyemilia ngo gya degera kigira mwoyo gwa uyu wa vola, na inyumba yizula mwoki. 5Hene yaho nda vola, Budamano bu veye bu inze kigira mbweye; kigira mbeye mundu weminwa mida mano, na mmenya hagati ha avandu aveminwa midamano: netsimoni tsyange tsi loli Mwami, Yahova wa mahe.
6Nonoho mulala ku vaserafi ya buluka ni yadza ku inze, naye ya li nelianda lyomuliru mu mukono gwigwe, lya ya vugula ne kigumiriru ku twula ku bwali: 7na ya dira munwa gwange nelianda zana, na ya mbolera, Henza, yili li ku diye minwa gyigyo; ubudamano bubwo bu twu lidzeywi, nobwoni bubwo bu same heywi. 8Kandi nda hulira mwoyo gwa Yahova, na a vola, Nda tuma bwaha, na ibwaha a la ku tsiira? Hene yaho nda vola, Mbe hano, u ntume. 9Naye ya mbolera, Tsia, u volere avandu yava, Mu hulire ligali, navutswa mu ta manya; mu henze ligali, navutswa mu ta lola mba. 10Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe. 11Hene yaho nda teva, Yahova, kuduka inyinga ki? Naye ya ntivulira, Kuduka lwa madala ga kolwa mang'anye bugira mundu, netsinyumba bugira avandu, nekivala ki tigala kyere, 12na Yahova a va hile ihale ligali, na ha lekwa vutswa ha la va hanyingi mu kivala. 13Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.
©Bible Society of Kenya, 1967