Isaya 23
23
1Ubuliduhu bwa Turo. Mu kupe tsikwili, mwinye amato ga Tarshishi; kigira lyononnyeywi ligali, kuduka si ha veye nonyumba kali indala, si ha veye nelingira: va vuuleywi likuva yili kutwula mu kivala kya Kitim. 2Mu kiring'ane, mwi nye avamenyi ku luginga lwenyanza, ive wa yavo avakirannyi va Sidone avambukanga inyanza, va kwizulitse. 3Ku amadzi manene bugutsa bwa Shihoru, neligesa lyomugera gwa Nili, vi veye limedeka vyalyo; nalyo lya li kitu kyetsihiri. 4U ve netsisoni O Sidone; kigira inyanza i vola impinga yenyanza, i vola, Inze si nda li nelilumwa, kandi si ndivula, kandi si nda lera avana vikula, kandi si nda lera avakana. 5Ugusuma lwa gu duka Egepeti, va la henda mwoyo kigira ugusuma gwa Turo. 6Mwa mbuke mu tsie Tarshishi; mu kupe tsikwili, mwinye avamenyanga ku luginga. 7Yili ni lidala lyenyu lyo busangali, lyeliva lyalyo lya kale ni lya madiku gokumatsyambiri, lyevirenge vyalyo vya li hila kumenya ihale?
8Ni bwaha wa saavira inkuva yiyi ku Turo, lidala lyokuvika itaji, lya vakirani valyo va veye avana vavami, na vagulannyi valyo va veye avobukumi mu lirova? 9Yahova wa mahe ya saavira, kwononnya luyai lwobukumi bwosi, nokulegannya avandu vobukumi mu lirova lyosi. 10U vite mu kivala kikyo kuli mugera gwa Nili, O mukana wa Tarshishi; si ha veye netsingulu tsyokwigalira. 11A nyiye mukono gwigwe ku inyanza, u sung'usi ubwami lugano lugano: Yahova u haani lilago ku Kanani, kudividza tsimpinga tsyalyo. 12Na ya vola, Ive si u la va nobu sangali kandi, O mukana mgima wa Sirlone wa dambidzwa: singira, wambuke kutsia Kitim; kali wene yeyo si u la nyola lisosa mba.
13Henza, kivala kya Vakalidei: avand u yavo si va veyo kandi; Muasuria u ki singeridzira yavo ava menyi mwigendanyama; vombaka vitaradzi vyavo; vononnya tsinyumba tsyalyo tsyobwami; navo va li kola li ve kyanyi. 14Mu kupe tsikwili, mwinye amato ga Tarshishi; kigira impinga yenyu i koleywi hatswa. 15Na ga la va mu lidiku yilyo, Turo li livirirwa mihiga makumi gatano na gaviri, kuli madiku gomwami mulala: na inyima wekiheri kyemihiga makumi gatano na gaviri ga la va ku Turo kuli ga li mu lwimbu lwowama laya. 16Vugula ubukana, u tsie yiyi neyiyi mu lidala, ive wamalaya wivirirwa; wimbe nomwoyo mulahi, wimbe tsinyimbu tsinyingi, u duke kwidzulitswa. 17Na ga la va inyima wekiheri kyemihiga makumi gatano na gaviri, Yahova a ladza ku Turo, naye a lirana ku madanyi gege, na a la kola malaya nobwami bwosi bwelirova na mumoni mwelirova. 18Na likirannya lyakyo na madanyi gakyo vi la va ubutakatifu ku Yahova: si vi vikwa mu butugi kandi si vi la vikwa mu akiba; kigira likiranya lyalyo li la va lyavamenyanga imbiri wa Yahova, va duke kulia vyokulia vi duki, nokwivika tsingubo tsi menya.
©Bible Society of Kenya, 1967