Isaya 20
20
1Mu muhiga gwa Taritan ya duka Ashidodi, inyinga Sarigon mwami wa Asuria ya mu tuma, na ya lwana na Ashidodi na a li guuta; 2inyinga yeyo Yahova ya vola nomunwa gwa Isaya mwana wa Amozu, na a vola, Tsia, u navule ingubo yeligunia kutwula mu kikenge kikyo, na u twulidze kilatu kikyo ku kirenge kikyo. Na ya kola ndiyo, na ya genda kyahonyo nevirenge vyere. 3Na Yahova ya vola, kuli mutumwa wange Isaya ya genda kyahonyo ne virenge vyere mihiga gyivaka kuva kilolekidzu nekyokugenya ku Egepeti na ku Ethiopia; 4ni ndiyo mwami wa Asuria a la hila avahambe va Egepeti, na valanywa va Ethiopia avasoleli na vasakulu, avekyahonyo na avevirenge vyere, na madako gavo ku bulavu, ku lileganywa lya Egepeti. 5Na va la va nobutii netsisoni, kigira Ethiopia kya li kisuuviri kyavo, na Egepeti kya li ubukumi bwavo. 6Uyu u menyanga mu kivala kyo luginga yilu a la vola mu lidiku yilyo Henza, yili ni lisuuvira lyetu, ha kwirukira yo kukonywa ku mwami wa Asuria: na kwinye ku la honera ku inzira ki?
©Bible Society of Kenya, 1967