Hosea 7
7
1Lwa nyanza kuhonnya Israeli, hene yaho ubudamano bwa Efiraim bu lang'aminyeywi, na ububi bwa Samaria; kigira va kola ububehi, nomwivi yingiranga mugati, nekiduma kyavanuli vononnyanga kyova. 2Na va vula kuganagana mmyoyo gyavo inze nzidzulitsanga ubudamano bwavo bwosi: kalunu likola lyavo avene li va kumbiridza tsimbega tsyosi; li veye imbiri wetsimoni tsyange. 3Va yanzidzanga mwami nobudamano bwavo, na va yanzidzanga avanene namakuva gavo gobubehi. 4Yavo vosi va veye avaheyi; va gwiye kuli amahiga ga vikeywi mu muliru na uyu u luganga ubukima; uyu a lekanga kwigereridza muliru, kutwula ku liduvula ubusie kuduka lwa ma mera ga vimbidza. 5Ku lidiku lyomwami wetu avanene vekola avalwaye nobululu bwewaini; ya nyira mukono gwigwe halala na valegi. 6Kigira va lungekidza myoyo gyavo kuli amahiga, lwa va gonekanga: mulugi wavo a gonanga ubudiku bwosi; mmugamba yaakanga kuli muliru. 7Yavo vosi va nyoye muliru kuli mahiga, na va miri avakalagi vavo; avami vavo vosi va gwiye: si ha veye nomulala hagati havo waniranga inze.
8Efiraim yetsuganna halala navandu vetsihiri; Efiraim a veye ubukima bwolubaie bu ta girunkanywa. 9Avageni va miri tsingulu tsitsye, naye si a manya: yee, tsimbudze tsi loleki kuye yiyi na yiyi, naye si a manya. 10Na uluyai lwa Israeli lu lolekidzanga imbiri wetsimoni tsitsye: navutswa va kikiri kwirana ku Yahova Nyasaye wavo, kandi si va mwenyanga, ku yaga gosi. 11Efiraim u gwiye kuli likuulu lisiru, li ta li nelimanya: vaniranga Egepeti, va tsitsanga Asuria. 12Lwa va tsia, nda tega mutego kuvo; na nda va gwihidza hasi kuli manyonyi gombwerefu; nda va ha mageli kuli livugana lyavo lya hulira. 13O bayaye ku yavo kigira va leka inze ni va tsia kugendagenda; ubudivi bu ve kuvo kigira va hyola ku inze: kali inze ni nda yanza kuvahonnya, navutswa va vola bubehi ku inze. 14Na si vanira inze nemyoyo gyavo, navutswa va hanzuka nemyoyo gyobululu ku vitali vyavo: navutswa vevugannya avene kigira ubuswage newaini; na va tinguha inze. 15Kali inze ni nda vegidza nokuvavika tsingulu mu makono gavo, navutswa va saavira budamano ku inze. 16Virana, navutswa si ga li ku uyu u veye igulu; va gwiye kuli ubuta bu ta li nobusoga; avanene vavo va la gwa nekivavi kigira ubululu bwetsinimi tsyavo: inkuva yiyi i la va kihenyahenye kyavo mu kivala kya Egepeti.
Currently Selected:
Hosea 7: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
