Hosea 8
8
1Vika kisiliva ku munwa gugwo. Kuli indidzu a twulira inyumba ya Yahova, kigira vononnyi lilagana lyange, nokuhyola ku malago gange. 2Va la nzanira nokuvola, O Nyasaye wange, kwinye Israeli ku ku manya. 3Israeli u teye aga li malahi: musigu a la mu londerera. 4Va mali kusingeridza avami, navutswa si ga veye ku likuva lyange; velombeye avanene, na inze ni nta manyi: velombeye vifwananyi vyefetha yavo nethahabu yavo, va duke kukalagirwa. 5U teye kimoli kikyo, O Samaria; ubutima bwange bwaaki kuvo: i la va inyinga ki va duke kunyola liva li ta ii nelihyola? 6Kigira kali mu Israeli inkuva yiyi i twulanga kuye; musidza ya ki lomba, si ki veye Nyasaye mba; yee, kimoli kya Samaria ki la vunannywa vidonye. 7Kigira va midzanga imbuudza, na va la gesa kihudzudzi: si a veye nobuswage bu singiranga; limera lilye si li la leta ubusie; ni li va ni li leta, avageni va la bu mira.
8Israeli u mireywi: kalunu a veye mu tsihiri kuli kiju ki ta yanzidzanga. 9Kigira vanegira kutsia Asuria, kuli isukiri yombulimu inderwa: Efiraim a tunganga avayanze. 10Yee, kali na a tunganga mu tsihiri, kalunu nda va vungidza halala; navo va tangi kugeha kigira umusigo gwomwami wavanene.
11Kigira Efiraim u medi bwali bu ve bwobwoni, bwali bu veye kuye bwobwoni. 12Nda mu ng'odera vi ndu tsielfu likumi vyamalago gange; navutswa vi loleywi kuva kindu kigeni. 13Mu makuva gevihaanwa vyevisyuviriru vyange, va haana inyama nokugilia; navutswa Yahova si a va bugirira; kalunu a lidzulitsa budamano bwavo, nokuvika kuyo ubwo ni bwavo: va lirana Egepeti. 14Kigira Israeli wiviriye Wamulomba, na vombaki tsinyumba tsyobwami; Yuda u medi amadala getsingaga: navutswa nda hila muliru ku madala gege, na gu la samba tsimpinga tsyago.
Currently Selected:
Hosea 8: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
