Hosea 6
6
1Hambi, kwirane ku Yahova: kigira ya tandula, naye a la ku honnya; ya duya, naye a la ku boherera. 2Inyima welidiku lyakaviri a la ku simugukidza: ku lidiku lya kavaka a la ku vukidza ku singire, ku la va mwoyo imbiri wewe. 3Hene yaho ku la manya, ni ku va ni ku londerera kumanya Yahova: litwula lilye li veye lyeligali kuli mugamba; naye a ladza ku kwinye kuli imbula, kuli imbula yamadzi mavovo i kupanga ku lirova.
4O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe. 5Kigirayaga mmali kuvavadza navaprofeti; mmali kuviita namakuva gomunwa gwange: neli kalaga lilyo li veye kuli ubulavu bu ng'ereng'ana kyova. 6Kigira inze nyenyanga tsimbabasi, si nyenya vihaanwa; nelimanya Nyasaye nyenya nga kuvita vihaanwa vyokusambwa. 7Navutswa yavo va mali kwononnya lilagana kuli Adamu: va koli ubugeeri bwobugadi ku inze. 8Gileadi li veye lidala lya yavo ava kolanga budamano, li vikeywi kilolero kyamasahi. 9Kandi kuli viduma vyavanuuli va gonekanga umundu, ni ndiyo kandi livugana lyavasalisi li veye ava lumindanga ku inzira i tsitsanga ku luvega lwa Shekem; yee, va koli budamano. 10Ndoli kindu kidamano mu inyumba ya Israeli: ha zana malaya ga nyoleki mu Efiraim, na Israeli vononnyeywi. 11Kandi O Yuda, ligesa li lageywi ku ive, lwa nzirannya kandi lilanywa lyavandu vange.
Currently Selected:
Hosea 6: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
