Hosea 12
12
1Efiraim yelihidzanga imbuudza, nokulonda imbuudza yevugwe: naye kazozo a medanga makuva gobubehi na gobudivi; na a lombanga lilagana na Asuria, na maguta ga hilwa kuduka Egepeti. 2Yahova a veye nelihing'ana na Yuda, naye a la ha Yakobo amageli kuli tsinzira tsitsye; a la mu tunga kuli likola lilye. 3Mmunda mwa mama wewe ya gumira amwavo wewe liki; nombukulundu bwibwe ya li nobunyali na Nyasaye: 4yee, ya li nobunyali ku ingelosi, na ya guuta; ya lira, na a mu goonya: ya mu nyola ha Betheli, naye ya voleranira ho nekwinye 5kali Yahova, Nyasaye wamahe; Yahova li veye lieta lilye lyokumwidzulitsa. 6Kigira yaga girunkana u yeke ku Nyasaye wowo: u linde tsimbabasi nelikalaga, kandi u lindirire Nyasaye wowo kazozo.
7A veye mugulidzi, tsiratili tsyobugadi tsi veye mmukono gwigwe: a yanzanga kudambidza 8Na Efiraim ya vola, Ligali inze ngwiye mutugi, nyoye vindu vinyingi: mu miyinzi gyange gyosi si va la nyola ubukyamu mu inze bu veye ubwoni. 9Navutswa inze mbeye Yahova Nyasaye wowo kutwula ku kivala kya Egepeti; inyinga yindi nda ku mennya mmahema kandi kuli mmadiku gelilia litakatifu. 10Kandi mmali kuvolera vaprofeti, kandi mmali kumeda amalola; noku butumwa bwavaprofeti ntumikiye tsing'ano. 11Gileadi ki veye ubudamano? Yavo va veye mwika vutswa; ha Gilgali viitanga tsigiriki; yee, ubwali bwavo bu gwiye kuli vitumi mu amakindi gomulimi. 12Na Yakobo yiruka kutsia mu mulimi gwa Aram, na Israeli ya tumika a duke kunyola mukali, na yaya ma gondi a nyole mukali zana. 13Kandi Yahova ya twulidza Israeli mu Egepeti nomukono gwomuprofeti, na ya lindwa nomukono gwomuprofeti. 14Efiraim ya vihirirwa nobutima ligali: kigira yaga masahi gege ga la lekwa kuye, na manyego gege, mwami a lirannya kuye mwene.
Currently Selected:
Hosea 12: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
