Hosea 11
11
1Lwa Israeli ya li mwana, nda mu yanza, na nda langa mwana wange kutwula Egepeti. 2Kuli vaprofeti va va langa, ni ndiyo va kira kutwula kuvo: ni va lomba vi haanwa vya Vabaal, ni va vuyidza vimuli ku vifwananyi vya vadzwa. 3Navutswa ndegidza Efiraim kugenda nevirenge; nda mu gingira mma kono gange; navutswa si va manya inze nda va honnya. 4Nda va kwesa nemigoye gyomundu, mu liboha lyobuyanzi; na nda li kuvo kuli yavo ava twulidza inira ku tsisaya tsyavo; na nda vika vyokulia imbiri wavo.
5Si va lirana kandi mu kivala kya Egepeti, navutswa Muasuria a la va mwami wavo, kigira va sula kwirana ku inze. 6Na kivavi ki la gwa ku madala gavo, nokusamba vihaniru vyago, nokuvalia, kigira makuva gavo avene. 7Navandu vange va kayirangwa kwirana inyima nokuleka inze: kali ni va va langa va tsie ku uyu u veye igulu, si ha veye nomulala u nyala kumwidzominya. 8Inze nyala ndi kukuleka, Efiraim? Nyala ndi kukuta, Israeli? Nyala ndi kukukola kuli Adima? Nyala ndi ku kuvika u ve kuli Zeboim? Mwoyo gwange gu girunkanywa mu inze, tsimbabasi tsyange tsyaaki halala. 9Si nda tumekira ubululu bwobutima bwange, si ndirana kudividza Efiraim: kigira mbeye Nyasaye, si mbeye mundu mba; Mutakatifu hagati hoho; na si ndingira mu butima. 10Va la londa Yahova, a la fwuma kuli king'ang'a, kigira a la fwuma, navana va ladza kutwula imadioli ni va degera.
11Va ladza ni va degera kuli linyonyi li twula Egepeti, na kuli likuulu li twula mu kivala kya Asuria; na nda vikalidza mu tsinyumba tsyavo Yahova a vola. 12Efiraim u nkumbiridza namakuva gobubehi, nenyumba ya Israeli i nkumbiridza nobugadi, navutswa Yuda kuduka kalunu yamehanga halala na Nyasaye, naye a veye musuuvirifu ku uyu Mutakatifu.
Currently Selected:
Hosea 11: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
