Hosea 13
13
1Lwa Efiraim ya vola, lidegera lya li ho; yeyidzominya mwene mu Israeli; navutswa lwa ya kola mahyolo mu Baal, ya kudza. 2Na kalunu va kolanga ubwoni kuvita, na velombeye vifwananyi vyokulongwa vyefetha yavo kali vifwananyi zana vi veye kuli iimanya lyavo avene, vyosi vi veye likola lyavasidza: va volanga ku makuva gavyo, Avasatsa va haananga vihaanwa va buse vi moli. 3Kigira yaga va la va kuli lilesi lyomugamba, na kuli lime li ka manga mabwebwe, kuli mukuudzi gwekihudzudzi ki hilanga ku lodze lwokuhuula ubuswage, na kuli mwoki mu butwuliru bwagwo.
4Navutswa inze mbeye Yahova Nyasaye wowo kutwula ku kivala kya Egepeti; na ive u la vula kumanya Nyasaye wundi kali mulala na a ta li inze, si ha veye nomuhonnyi wundi u meda ku inze. 5Nda ku manyira mwigendanyama, mu kivala kyobulu hu bunene. 6Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze. 7Kigira yaga inze mbeye kuvo kuli king'ang'a; kuli engo nda goneka ndiyo ku inzira haluvega; 8nda vugana navo kuli iduba i nuleywi avana vayo, nda tandula liboho lye inkupagani yavo; na nda va mirira ho kuli king'ang'a; inyama yombulimu indulu i la va tandula.
9O Israeli, weyononnyi mwene, navutswa ubukonyi bubwo bu veye mu inze. 10Mwami wowo a veye haliha, a duke kukuhonnya mmadala gogo gosi? Na vakalagi vovo va veye haliha, ava wa vola kuvo, Nyenya u mpe mwami navanene. 11Inze mma li kukuheera mwami mu livihirirwa lyange, na nda mu twulidza mu butima bwange. 12Budamano bwa Efiraim bu boheywi; ubwoni bwibwe bu vikeywi akiba. 13Ubusaliri bwomukali u lumangwa bu la duka kuye: a veye mwana u ta veye nobugeeri; kigira inyinga i duki i ta dukana kusingira ha avana va hudula va twule. 14Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.
15Kali na a veye wivulanga ligali mu vamwavo veve, imbuudza yevugwe i ladza, mwika gwa Yahova gu twulanga migendanyama; kisenukiru kikye kyamadzi ki la kama, nekidaho kikye ki la kama: kandi a la lanya akiba yosi yeviju vi yanzidzanga vyosi. 16Samaria li levika ama hyolo galyo; kigira litinguhi ku Nyasaye walyo: va la gwa ku kivavi; avana vadoto vavo va la shonolanywa, navakali vavo va veye inda va latanywa.
Currently Selected:
Hosea 13: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
