Hosea 10
10
1Israeli a veye muzabibu munetu, gwamanga makuyu: kuli ubunyingi bwamakuyu gagwo ni ndiyo kandi a medanga ubwali bwibwe; kuli ubulahi bwekivala kyavo bu veye va lombi ndiyo tsitiru tsindahi. 2Mwoyo gwavo gwavukani; kalunu va la loleka kuva avahyoli: a la duya ubwali bwavo, a lononnya tsitiru tsyavo. 3Ligali kalunu va la vola, Kwinye si ku veye nomwami; kigira ku vuli kutia Yahova; nomwami, a nyala kukukolera ki?
4Va volanga makuva ga vutswa, ni visuha ku bubehi mu likola lilagana: kigira yaga likalaga lisebukanga kuli musala gwobululu mu lutsira lwomulimi. 5Avamenyi ba Samaria va la va nobutii kigira vimoli vya Bethaven; kigira avandu velidala yilyo va la lisyomera, avasalisi valyo ava sangala kulyo, kigira ubukumi bwalyo, kigira bu twuli kulyo nokulileka. 6Kandi ki la hilwa kuduka Asuria kuva kihaanwa kyokuha mwami Jarebu: Efiraim a la nyola tsisoni, na Israeli a la va isoni ku makuva gege mwene. 7Ku makuva ga Samaria, mwami wewe u kalageywi, kuli lifwulu ku madzi. 8Hadiguluku ha Aven, ubwoni bwa Israeli, ha lononnywa: amafwa na matagalu vi la mera ku bwali bwavo; na va la volera vigulu, Mu ku kunike; notugulu, Mu ku gwire.
9O Israeli, u koli ubwoni kutwula ku madiku ga Gibea: va singira yo; ubulwani ku avana vobwoni si bu va nyola ha Gibea. 10Lwa nyenyanga, nda va ha mageli; navandu vetsihiri va la vugana halala kuvo, lwa va bofwa ku bwoni bwavo buviri. 11Efi raim a veye iroli yegidzwa, i yanzanga kuhuula ubuswage; navutswa nda vitidza inira kwigoti lyayo linifu: nda nyinnya u ninanga ku Efiraim; Yuda a la lima, Yakobo a la kupa makindi gege.
12Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye. 13Mu mali kulima budamano, mu gesi budamano; mu liye makuyu gobubehi; kigira wa suuvira inzira yoyo, ku bunyingi bwavandu vovo avo bunyali. 14Kunangwa liyoga li la twula hagati ha avandu vovo, na tsimpinga tsitsyo tsyosi tsi lononywa, kuli Shalimani yononnya Betharabeli mu lidiku lyobulwani: mama navana veve vosi va shonolanywa. 15Ni ndiyo Betheli li la kolera mwinye kigira ubudamano bwenyu bunene: inyinga ya bu kya mwami wa Israeli a la heridzwa.
Currently Selected:
Hosea 10: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
