Vafeso 4
4
1Kunangwa, inze muhambe mu Mwami, mmu goonya mu gende kuli ga mu dukira mu lilangwa lyenyu lya mwa langwa, 2nobwegehidzu bwomwoyo bwosi nobuhooma, kandi nobwikudziri, mwikudzirane avene navene mu buyanzi; 3mwiguluhidze kulinda ubuhambani bwa Roho mu liboha lyemirembe. 4Ha veye nomubiri mulala, kandi Roho mulala, kuli mwinye kandi mwa langwa mu lisuuviridzwa lilala lyelilangwa lyenyu; 5Mwami mulala, nelisuuvira lilala, nelibatidza lilala, 6Nyasaye mulala, naye a veye Dada wa vosi, u veye igulu ku vyosi, no mu vyosi, kandi mu vyosi. 7Navutswa kwa hebwa sa mulala tsimbabasi kuli kigero kyekihaanwa kya Kristo.
8Kigira yaga a vola,
Lwa yanegira ya lanya lilanya,
Na a ha avandu vihaanwa.
9(Kunangwa likuva yili, Yanegira li veye ndi ni li ta li, yika ni yingira mugati mwelirova? 10Uyu wika, niye wanegira igulu ligali kuvita ligulu lyosi, a duke kwizulitsa vindu vyosi.) 11Naye ya ha avalala va ve avatumwa; navandi, avaprofeti; navandi, avilwadzi vevangeli; navandi, avayi navegidzi; 12ku budukiru bwavatakatifu, kuduka ku miyinzi gyobutumwa, ku lyombaka lyomubiri gwa Kristo: 13kwosi ku luhe ku duke ku buhambani bwelisuuvira, nobwokumanya Mwana wa Nyasaye, kali kuduka kuva mundu mudukiru, kali kuduka ku kigero kyobunene bwelizula lya Kristo: 14ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi. 15Navutswa mu livola ageligali mu buyanzi, mu du ke kuviruka mu uyu mu vindu vyosi, u veye mutwe, naye ni Kristo; 16kutwula kuye mubiri gwosi gu hambanyeywi bulahi kandi gu nywereridzeywi halala kigira kyungu sa kilala, ki leta kuli miyinzi gyekidieli sa kilala, ki leta kigero kyakyo, i ndinangwa mubiri gu virukidzangwa ku lyombaka lyagwo mu buyanzi.
17Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa, 18limanya lyavo li koleywi kisundi, va sundeywi hale nelivamwoyo lya Nyasaye, kigira livula kumanya li veye muvo, kigira myoyo gyavo gyi koleywi midinyu; 19ava mali kugwa linagandi vitwulidza avene ni vehila mu kifwabwi, va duke kuyinzira ubudamano bwosi nelikayirwa lyosi. 20Navutswa mwinye si mweyegidza ndiyo Kristo mba. 21Ni mba ni mu mu hulira nokwegidzwa muye, kuli ageligali ga veye mu Yesu: 22ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi; 23kandi mu kolwe avandu avahya mu roho gwobugeeri bwenyu, 24mwevike mundu muhya wa lombwa ku lugano lwa Nyasaye mu bulungi nomu butakatifu bwageligali.
25Kigira yaga mu sule ububehi, sa mulala a volere wakye ageligali: kigira ku veye vivero avene navene. 26Mu vihirirwe, kandi mu ta kola ubwoni; mu ta leka liuva li yere ni mu veye nobutima: 27kandi mu ta ha Setani ubwiyangu. 28Uyu wiba a tiba kandi: navutswa nubulahi a didikane, a yinzire namakono gege, a kole kindu ki veye kilahi, a duke kuva nekindu kyokuha uyu u veye nobudaka. 29Likuva lidamano kali lilala li ta twula minwa gyenyu, navutswa yili li veye lilahi ku lyombaka, kuli lyenya li veye, kandi li duke kuha yava ava hulira liverererwa. 30Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa. 31Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi: 32mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.
Currently Selected:
Vafeso 4: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
