Popular Bible Verses from Vafeso 4

Share

mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

nobwegehidzu bwomwoyo bwosi nobuhooma, kandi nobwikudziri, mwikudzirane avene navene mu buyanzi

Likuva lidamano kali lilala li ta twula minwa gyenyu, navutswa yili li veye lilahi ku lyombaka, kuli lyenya li veye, kandi li duke kuha yava ava hulira liverererwa.

Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi

Mu vihirirwe, kandi mu ta kola ubwoni; mu ta leka liuva li yere ni mu veye nobutima: kandi mu ta ha Setani ubwiyangu.

ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi; kandi mu kolwe avandu avahya mu roho gwobugeeri bwenyu, mwevike mundu muhya wa lombwa ku lugano lwa Nyasaye mu bulungi nomu butakatifu bwageligali.

mwiguluhidze kulinda ubuhambani bwa Roho mu liboha lyemirembe.

Naye ya ha avalala va ve avatumwa; navandi, avaprofeti; navandi, avilwadzi vevangeli; navandi, avayi navegidzi; ku budukiru bwavatakatifu, kuduka ku miyinzi gyobutumwa, ku lyombaka lyomubiri gwa Kristo: kwosi ku luhe ku duke ku buhambani bwelisuuvira, nobwokumanya Mwana wa Nyasaye, kali kuduka kuva mundu mudukiru, kali kuduka ku kigero kyobunene bwelizula lya Kristo

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi. Navutswa mu livola ageligali mu buyanzi, mu du ke kuviruka mu uyu mu vindu vyosi, u veye mutwe, naye ni Kristo