Kohelethu 3
3
1Kigira ku vyosi sa kilala ki veye nenyinga yakyo, nelikola lyosi isi weligulu li veye nenyinga yalyo: 2inyinga yokwivulwa, nenyinga yelikudza; inyinga yokusimika, nenyinga yokwiha kya simikwa zana; 3inyi nga yokwiita, nenyinga yokuhonnya; inyinga yokusambula, nenyinga yo kwombaka; 4inyinga yokulira, ne nyinga yokuseka; inyinga yokusyoma, nenyinga yokukina; 5inyinga yoku salannya magina, nenyinga yokuvu ngidza magina; inyinga yelikumbe rera, nenyinga yelivula kukumberera; 6inyinga yelyenya, nenyinga yeligotidza; inyinga yelivika, ne inyinga yokuta; 7inyinga yokutandula, nenyinga yokunava; inyinga yoku kiring'ana, nenyinga yokumuloma; 8inyinga yokuyanza, nenyinga yoku dunya; inyinga yobulwani, nenyinga yemirembe. 9A veye na ki uyu u kolanga miyinzi mu vya a nyankana mu? 10Inze mmali kulola linyakana lya Nyasaye ya ha avana vavandu kunyankana mu. 11Ya lomba vindu sa kilala kuva kilahi ku inyinga yakyo: kandi ya vika limanya lyemihiga nemihiga mmyoyo gyavo, navutswa ni ndiyo mundu si a nyala kuvangula miyinzi gwa Nyasaye a koli kutwula mu litanga kuduka mu kiheri. 12Mmanya si ha veye nekindu ki konya ligali avandu kuvita ubusangali, nokukola bulahil inyinga va va mwoyo. 13Na kandi mundu sa mulala a lie nokunwa, nokusangala ku bulahi mu lididikana lilye lyosi, ki veye kihaanwa kya Nyasaye. 14Inze manya, vindu sa kilala kya Nyasaye a kolanga, ki la va kyemihiga nemihiga: kukimeda si ga nyalika, kinga kukigehidza; Nyasaye a gi koli, avandu va tie imbiri wewe. 15Yaga aga li ho kutwula kale; na yaga aga li va ho lwenyima, ga li ho kutwula kale: na Nyasaye yenyanga kandi aga vita.
16Kandi halala na yaga nda lola isi weliuva, ha likalaga, ubudamano bwa li ho; kandi ha bulungi, ubukyamu bwa li ho. 17Nda vola mu i mwoyo gwange, Nyasaye a la kalagira avalungi navadamano halala; kigira i veye ho inyinga ku likola sa lilala noku muyinzi sa mulala. 18Nda vola mu mwoyo gwange, Ga veye kigira avana vavandu, Nyasaye a duke kuvageridza, kandi va lole avene va veye kuli tsinyama vutswa. 19Ki gira vindu yivi vyavana vavandu va nyolanga, tsinyama kandi tsi vi nyolanga: kindu kilala ki va nyolanga: kuli mulala a kudzanga, na yindi kandi i kudzanga ndiyo; yee, vyosi vi veye nomwika mulala; nomundu si a veye nekindu kuvita tsinyama kigira gosi na ga vutswa. 20Vosi va tsitsanga ha bugono bulala; vosi va veye avolugukvi, kandi vosi va lirana kugwa lugukyi. 21Ni bwaha u manya mwoyo gwomundu, ni gu va ni gu tsitsanga igulu, nomwoyo gwenyama ni gu va ni gu tsitsanga hasi mulirova? 22Kunangwakigira yaga ndola si ha veye nekilahi kuvita, kuli mundu a sangalira mmiyinzi gyigye; kigira nikyo kidieli kikye: kigira ni bwaha u mu leta kandi a duke kulola aga va ho inyima wewe?
©Bible Society of Kenya, 1967