Amosi 6
6
1O bayaye kuvo avelemeridzanga mu Zioni, kandi ku yavo ava menyanga nemirembe mu kigulu kya Samaria, avasatsa ava manyekana avehiri inene ku tsyosi, avenyumba ya Israeli yadza kuvo 2Mu vite kutsia Kaline mu lole; nokutwula yo mu tsie Hamathu linene; mu sulungute Gathu lya Vafilisiti; ubwami yibu bu veye bulahi kuvita yibu? Kinga lwako lwavo lu veye lunene kuvita lwenyu? 3Mwinye ava vika ihale lidiku lidamano nokuleta himbi kisako kyekirage; 4ava gonanga ku vitali vyamino genzogu, na venyirira ku vitali vyavo, na va lia vimeme vi twula mu kyayo, nevimoli vi twulanga mu kego; 5na vimba tsinyimbu tsya vutswa, halala nemyo yo gyobukana; na vekongera avene ubukana lugano lugano kuli wa Daudi ya kola; 6ava nwa iwaini mu lubagu, nobwevaka avene namaguta malahi kuvita gosi; navutswa si va verera kigira kivi kya Yosefa.
7Kunangwa kalunu va hilangwa mbutugwa halala na yavo ava tanga kwadikidzwa; neliyoga lyobukino bwa yavo avenyiranga li la hera. 8Mwami Nyasaye wesuhira, Yahova, Nyasaye wa mahe, a vola: Mbihirirwa luyai lwa Yakobo, nokudunyira tsinyumba tsyobwami tsitsye; kunangwa nda twulidza lidala halala na vyosi vi veye mulyo. 9Na ga la duka, ni i va avasatsa likumi va tigala mu inyumba indala, va la kudza. 10Na lwa mifwa womundu u li mbu gula, kali uyu u mu sambanga, kuvugula vigumba kutsia navyo kyova wenyumba, na a la teva uyu u veye mu inyumba, A ve yo wundi halala nive? Naye a la vola, Auwa, si a re ho; hene yaho a la vola, Kiring'ana; kigira si ku veye nomunwa kutala lieta lya Yahova. 11Kigira, henza, Yahova u haani lilaga, ku inyumba inene i la duywa i syavuke, nenyumba inkekeke i la duywa yadike.
12Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu, 13mwinye ava mu sangaliranga mu kindu kya vutswa, ava vola, Si kwenyoleye tsinziga netsingulu tsyetu avene? 14Kigira, henza, nda singeridza ihiri i duke ku mwinye, O inyumba ya Israeli, Yahova Nyasaye wa mahe, a vola; na va la ku dambidza kutwula ha bwi ngiriru bwa Hamathu, kuduka ku mugera gwe kereremu.
Currently Selected:
Amosi 6: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
