Amosi 5
5
1Mu hulire likuva yili lya mbola li ve lisyoma ku mwinye, O inyumba ya Israeli. 2Mukana mugima wa Israeli u gwiye; si a la vuka kandi: u tsomeywi hasi mu kivala kikye; si ha veye na wokumusingeridza. 3Kigira Mwami Yahova a vola ndi: Lidala lya va twula mu elfu, va la tigala mu mia, na lya va twula mu mia, va la tigala mu likumi, ku inyumba ya Israeli.
4Kigira Yahova ya volera inyumba ya Israeli ndi, Mwenya inze, na mu la va mwoyo; 5navutswa mu tenya Betheli, kandi mu tingira mu Gilgali, na mu ta vita kutsia Beer sheba: kigira ligali Gilgali li la tsia mu butugwa, na Betheli li la va mwika vutswa. 6Mwenye Yahova, na mu la va mwoyo; gase a laaka kuli muliru mu inyumba ya Yosefa, na gu la samba, na a la vula kuva ho u nyala kugusiminya mu Betheli. 7Mwinye ava girunkannyanga likalaga kuva kilulu, nokutsoma hasi ubulungi; 8mwenye uyu wa lombanga tsing'ering'ani tsya Pleiades na Orion, na ya girunkannya kiriri kyelikudza ki ve umugamba, nokukola mbasu kuva kisundi kyobudiku; u langanga amadzi genyanza, nokuga tsuka ku kivala (lieta lilye ni Yahova); 9u letanga ubudivi bwa nonoho kuvo avetsingulu, kuduka budivi bu duka ku impinga.
10Va dunyira uyu u lungikidza mu kiribwa, na va vihirirangwa uyu uvolangamakuvagobulungi. 11Kunangwa kigira mwa duvaga avadaka, nokuvatungidza ingano: mwombaki tsinyumba tsya magina ga vadzwa, navutswa si mu la menya mutsyomu simiki malimiru gemizabibu malahi, navutswa si mu la nwa iwaini yago mba. 12Kigira mmanya kuli mahyolo genyu ga veye tsing'ano tsinyingi, na bwoni bwenyu kuli bu veye bwetsingulumwinye ava da mbidza avalungi, ava vugulanga vikukula, nokugirunkannya avadambi ha kiribwa va vule kunyola bulungi. 13Kunangwa u ve neliganagana a la kiring'ana inyinga kuli yiyi; kigira i veye inyinga indamano.
14Mwenye bulahi, mu tenya budamano, mu duke kuva mwoyo; ni ndiyo Yahova, Nyasaye wa mahe, a la va halala nive, kuli mu vola. 15Mu dunyire budamano, mu yanze ubulahi, nokusingeridza likalaga mu kiribwa: namusia Yahova, Nyasaye wa mahe, a la kolera yavo va tigala ku Yosefa, tsimbabasi.
16Kunangwa Yahova, Nyasaye wa mahe, a veye Mwami, a vola ndi: Lisyoma li la va ho mu tsinzira tsingalamu; navo va la vola mu tsinzira tsyosi, O Bayaye bayaye na va la langa mulimi yadze kusyoma, navetsingulu tsyokulira vadze kulira. 17Nomu malimiru gemizabibu li la va ho lilira; kigira nda vita hagati hoho, Yahova a vola.
18O Bayaye ku mwinye ava mwenyanga lidiku lya Yahova Kigira ki mwenyanga lidiku lya Yahova? Li veye kisundi, si li veye ubulavu mba. 19Kuli mundu yiruka king'ang'a, na ya vugana na iduba; kinga yingira mu inyumba na a dira mukono kwidigi, na inzoka ya mu luma. 20Lidiku lya Yahova si li la va kisundi, si li veye ubulavu? Yee, kisundi ligali, bung'ereng'anu si bu veye mulyo?
21Inze ndunyiranga, nokulega madiku gelilia lyenyu, si nda sangalira mavugano genyu gobutakatifu. 22Yee, kali ni mu mbaanira vihaa nwa vyenyu vyokusambwa, nevihaanwa vyenyu vyobusie, si nda vi vugula; kandi si nda henza vihaanwa vyenyu vyemirembe vyetsinyama tsyenyu tsinolu. 23Mu twulidze ku inze liyoga lyetsinyimbu tsyenyu; kigira si mbugirira kuhulira myoyo gyobukana bwenyu. 24Navutswa likalaga li sunduke kuli amadzi, nobulungi kuli mugera munene.
25Mwa ndetera vihaanwa nevisyuviriru mwigendanyama mihiga makumi gane, mwinye avenyumba ya Israeli? 26Yee, mwa ginga lihema lyomwami wenyu nenyumba yevifwananyi vyenyu, ing'ereng'ani ya munyasaye wenyu, ya mwelombera avene. 27Kunangwa nda mu hila mbutugwa ihale kuvita Damasko, Yahova, welieta lilye li veye Nyasaye wa mahe, a vola.
Currently Selected:
Amosi 5: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
