Amosi 2
2
1Yahova a vola ndi: Kigira mahyolo gavaka ga Moabu, yee, kigira gane, si nda girunkannyira lihebwa mageli lyalyo; kigira ya samba vigumba vyomwami wa Edom kuduka kuva kilongo. 2Navutswa nda leta muliru ku Moabu, na gu la samba tsinyumba tsyobwami tsya Keriothu; na Moabu a la kudza nomuliviti, noluku, nomwoyo gweki siliva; 3na nda twulidza mukalagi kutwula hagati havo, na ndiita avanene vavo vosi halala naye, Yahova a vola.
4Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa. 5Navutswa nda leta muliru ku Yuda na gu la samba tsinyumba tsyobwami tsya Yerusalemi.
6Yahova a vola ndi: Kigira mahyolo gavaka ga Israeli, yee, kigira gane, si nda girunkannyira lihebwa mageli lyalyo; kigira va gulidza avalungi kunyola ifetha, navadaka kunyola vilatu 7yavo ava heraniranga ulugukyi lwelirova lu veye ku mitwe gyavadaka, nokukyaminya inzira yomuhooma: na muyai na dada wewe vingira kuva nomkana mulala, kuvika budamano ku lieta lyange litakatifu: 8navo va gona hasi himbi nobwali bwosi ku tsingubo tsya vikwa kihambiriru; navo va nweranga mu inyumba ya Nyasaye wavo, iwaini ya yava ava tungidzwa mitungu.
9Navutswa ndononnya Vaamori imbiri wavo, avobutambi bwavo bu veye kuli bwomusala gwo mutaragwa, na ya li netsingulu kuli musala mudinyu, kuli muduguyu; navutswa ndononnya makuyu gavo igulu, nevitinya vyavo hasi. 10Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori. 11Na nda vukidza avaprofeti ku avana vovo noku vasoleli vovo Vanazari. Si ga va ndiyo ligali, O mwinye avana va Israeli? Yahova a vola. 12Navutswa mwa nwehidza Vanazari iwaini, na mwa laga avaprofeti, ni mu vola, Mu ta profeta mba.
13Henza, nda mu mina mu hokumenya henyu kuli ligari lizuye miganda li minanga. 14Na hokwiruka ha la gota ku yavo avetsimbiru; kandi wetsingulu si a la meda tsingulu tsitsye; kandi wobuluviriri si a lehonnya mwene; 15kandi wobuta si a la singira, kandi wetsimbiru si a lehonnya; kandi u ninanga iparasi si a lehonnya; 16na uyu wobuluviriri hagati ha vetsingulu a liruka kyahonyo mu lidiku yilyo, Yahova a vola.
Currently Selected:
Amosi 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
