Amosi 3
3
1Huliri likuva yili lya Yahova a vola ku mwinye, O avana va Israeli, ku aviko vosi ava ndanegeridza mu kivala kya Egepeti, ni mbola 2Mwinye veng'ine va nda manya ku bwiko bwosi bwomu lirova: kuna ngwa nda galukidza ku mwinye ubudamano bwenyu bwosi. 3Vaviri va nyala ndi kugenda halala, ni va vula kuhuliridzana? 4King'ang'a ki la fwuma mmulitu lwa ki ta veye mu lihima? King'ang'a kisoleli ki la loka ha bumenya bwakyo bugira kugumira kindu? 5Linyonyi li nyala kugwa mu mutego ku kivala, ha li ta tegeywi? Mutego gu nyala kuteguka mu kivala, bugira kugumira ki ndu? 6Kisiliva ki nyala kukupwa mu lidala, navandu va vula kutia? Ubudamano bu la duka ku lidala na Yahova na a ta bu leta? 7Ligali Mwami Nyasaye si a la kola kindu, navutswa aga viswa gege a la vuulira avatumwa veve avaprofeti. 8King'ang'a ki mali kufwuma; ni bwaha u ta tia? Mwami Nyasaye a voye, ni bwaha u nyala kuvula ku profeta?
9Mu landidze mu tsinyumba tsyobwami tsya Ashidodi, nomu tsinyumba tsyobwami mu kivala kya Egepeti, mu vole, Mu vugane ku vigulu vya Samaria, mu lole liyoga linene kuli ndi li veye muvyo, nelidambidzwa hagati havyo. 10Kigira si va manya kukola bulahi, Yahova a vola yavo ava vikanga akiba yekirage nobwivi mu tsinyumba tsyavo tsyobwami. 11Kunangwa M wami Nyasaye a vola: Musigu a la va ho, kali kukumbiridza kivala yikyo tsimbega tsyosi: na a likidza tsingulu tsitsyo hasi, netsinyumba tsitsyo tsyobwami tsi la lanvwa. 12Yahova a vola ndi: Kuli mwayi a twulidza mu munwa gweking'ang'a, virenge viviri, kinga kidonye kyogutu; ni ndiyo avana va Israeli va la twulidzwa ava menyanga mu Samaria mu ikorna mwekitali nomu Damasko ku kitali.
13Mu hulire, mu lolekidze ku inyumba ya Yakobo, Mwami Nyasaye a vola, Nyasaye wa mahe. 14Kigira mu lidiku lya ngalukidza mahyolo ga Israeli kuye, lidiku yilyo nda vanza agoku bwali bwa Betheli; netsinziga tsyobwali tsi la twulidzwa, na tsi la gwa hasi. 15Nda duya inyumba yenyinga yobukindu halala nenyumba yoluya; netsinyumba tsyetsinziga tsyetsinzogu tsi la diva, netsinyumba tsinene tsi la va nekiheri, Yahova a vola.
Currently Selected:
Amosi 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
