Amosi 1
1
1Makuva ga Amosi, wa li ku avayi va Tekoa, ga ya lola ku Israeli mmadiku ga Uzia mwami wa Yuda, nomu madiku ga Jeroboam mwana wa Joashu mwami wa Israeli, mihiga gyiviri imbiri welidegera lyelirova.
2Na ya vola, Yahova a la fwuma mu Zioni, na a la kupa lwanga mu Yerusalemi; na vyayiru vyavayi vi la syoma, na isonga ya Karimeli i la niala.
3Yahova a vola ndi: Ku mahyolo gavaka ga Damasko, yee, kuduka ku gane, si nda girunkannyira lihebwa mageli lyalyo; kigira va duvagi Gileadi nemivango gyekivya. 4Navutswa nda tuma muliru ku inyumba ya Hazaeli, na gu la samba tsinyumba tsyobwami tsya Benhadadi. 5Na nda vunannya muluguyu gwa Damasko, na nda twulidza avamenyi mwivona lya Aven, na uyu u gumiranga impimbo yobwami bwenyumba ya Edeni, navandu va Siria va la tsia mu buhambe kuduka Kiri, Yahova a vola.
6Yahova a vola ndi: Kigira mahyolo gavaka ga Gaza, yee, kigira gane, si nda girunkannyira lihebwa mageli lyalyo; kigira va hila avandu vosi kutsia mbuhambe, kuvavika mmakono ga Edom. 7Navutswa nda leta muliru ku lidigi lya Gaza, na gu la samba tsinyumba tsyalyo tsyobwami. 8Na nda twulidza u menyanga Ashidodi, na uyu u gumiranga impimbo yobwami nda mu twulidza ku Ashikelon; na nda girunkannya mukono gwange gu ve ku Ekiron; na yavo ava tigala ku Vafilisiti va la diva, Mwami Nyasaye a vola.
9Yahova a vola ndi: Kigira mahyolo gavaka ga Turo, yee, kigira gane, si nda girunkannyira lihebwa mageli lyalyo; kigira va vika avandu vosi mmukono gwa Edom, na va vula kwidzulitsa lilagana lyavamwavo. 10Navutswa nda leta muliru ku lidigi lya Turo, na gu la samba tsinyumba tsyalyo tsyobwami.
11Yahova a vola ndi: Kigira mahyolo gavaka ga Edom, yee, kigira gane, si nda girunkannyira lihebwa mageli lyalyo; kigira ya kunga amwavo wewe nekivavi, na a ta tsimbabasi tsyosi, nobutima bwibwe bwa tandula kazozo, na ya li nobutima bwibwe mihiga gyosi. 12Navutswa nda leta muliru ku Teman, na gu la samba tsinyumba tsya Bozra tsyobwami.
13Yahova ya vola ndi: Kigira mahyolo gavaka gavana va Amon, yee, kigira gane, si nda girunkannyira lihebwa mageli lyalyo; kigira vatannya avakali ava veye inda ava Gileadi, va duke kumeda lwako lwavo. 14Navutswa nda fwana muliru mu lidigi lya Raba, na gu la samba tsinyumba tsyalyo tsyobwami, halala nokukupa uluku mu lidiku lyobulwani, halala nekihi mu lidiku lyekihudzudzi; 15nomwami wavo a la tsia mbuhambe, uyu navanene veve halala, Yahova a vola.
Currently Selected:
Amosi 1: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
