Joeli 3
3
1Kigira, henza, mu madiku yago, na inyinga yeyo, lwa ndirannya lyadikidzwa lye Buyuda na lye Yerusalemi, 2nda vungidza tsihiri tsyosi, na nda va sulungutidza kuduka mwivona lya Jehoshafatu, na nda va kalagira ha zana kigira avandu vange, na kigira miyandu gyange Israeli, ava va salannyi hagati hetsihiri: na va gavannyi kivala kyange, 3ni va kola ikura ku avandu vange, ni va haani muyai kunyola wamalaya, ni va gulidza mukana kunyola iwaini, va duke kunwa. 4Yee, mwinye, Turo, na Sidone, na vivala vyosi vya Filisitia, mu veye ikindu ki ku inze? Mu la ntungira mutungu? Kandi ni mu ntunga inze, bwangu ndirannya mitungu gyenyu ku mutwe gwenyu netsimbiru. 5Kigira mwa vugula ifetha yange, na ithahabu yange, nokuhila vindu vyange vilahi nokuvivika mu matempeli genyu, 6na mu gulidzi ku Avagreki, avana va Yuda, na avana va Yerusalemi mwinye mu va hile ihale ku tsinzako tsyavo; 7henza, nda va vukidza va twule ha mwa va gulidza, na nda mwirannyira mutungu gwenyu ku mutwe gwenyu avene; 8na nda gulidza avana venyu avayai na avakana ku makono ga avana va Yuda, navo va la va gulidza ku avasatsa va Sheba, ku ihiri i veye ihale ligali: kigira Yahova u voye yaga.
9Mu landidze yaga mu tsihiri; mwe tegekidze ku bulwani, mu vukidze avasatsa vetsingulu; avasatsa vosi vobulwani visunde himbi, vanegire. 10Mu tuule tsimbago tsyenyu tsi ve vivavi, na tsinkonono tsyenyu mu tuule tsi ve amatimu: na mudedekere a vole, Mbeye netsingulu. 11Mu kole bwangu, mudze mwinye, avetsi hiri avetsimbega tsyosi, mwevungidze halala: u sulungutidze avetsingulu vovo, O Yahova. 12Avetsihiri vetsuve, nokwanegira va duke mwivona lya Jehoshafatu; kigira ndikala yo kukalagira tsihiri tsyosi tsyetsimbega tsyosi. 13Mu lete inkonono, kigira ligesa li lavi: hambi, mu duvage, ki gira lilina lyokukamera iwaini iizuve tsisika tsi hilanga hasi; kigira ubudamano bwavo bu gwiye bunene.
14Va veye ho avanyingi, avanyingi mwivona lyokutovolera mu kigira lidiku lya Yahova li veye himbi mwivona lyokutovolera mu. 15Liuva na mweli vi koleywi kisu ndi, na tsing'ereng'ani tsi vuli kwaaka. 16Na Yahova a la huuma kutwula mu Zioni, na a la vola kutwula Yerusalemi, na ligulu na li rova li la degera: navutswa Yahova a la va ubuhaliru bwa avandu veve, na a la va lugaga lwa avana va Israeli. 17Kunangwa mu la manya inze mbeye Yahova Nyasaye wenvu, u menyanga mu Zioni kigulu kyange kitakatifu: ma Yerusalemi li la va litakatifu, na avageni si va la vita hagati halyo kandi mba.
18Kunangwa mu madiku yago vigulu vi la tonyatonya iwaini inulu na tugulu tu la ganguluka amaveere, na migera gyosi gye Buyuda gyi lizula amadzi; na kisenukiru kya amadzi ki la senuka mu inyumba ya Yahova, na ki la sama mwivona lya Shitim. 19Egepeti ki la va ing'anye, Edom ki la va kyangalangwi kyere, kigira kirage kya va kolera avana va Buyuda, kigira va tahidza amasahi ga ta li nekindu mu kivala kyavo. 20Navutswa Buyuda ki la menya mihiga nemihiga, na Yerusa lemi li la menya kuduka makula na makula. 21Na ndogidza amasahi gavo aga nkikiri kwogidza: kigira Yahova a menya mu Zioni.
Currently Selected:
Joeli 3: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
