Vikolwa 25
25
1Festo ya duka mu provinse; lwa ya menya madiku gavaka yanegira Yerusalemi kutwula Kaisaria. 2Avasalisi vanene navandu vanene va Vayuda va mu volera amakuva ga Paulo; kandi va mu goonya, 3venya a va vere kuye, a letwe Yerusalemi; venya kumugoneka va mwiitire ku inzira. 4Navutswa Festo ya tivula, Paulo u lindeywi Kaisaria, kandi mwene yenya kutsia vola, bwangu. 5Kandi kigira yaga ya vola, Yava va veye netsingulu ku mwinye va sulungute halala ninze, mundu uyu na a va na a veye nekindu, va mu yale.
6Kandi lwa ya menya navo madiku ga kikiri kuvita gatanu na gavaka kinga likumi, ya sulunguta Kaisaria; na mugamba yikala ku kisako kyokukalagira amakuva, na a haana munwn Paulo a letwe. 7Kandi lwa yika, Avayuda ava twula Yerusalemi va mu kumbindza ni va leta viyalo vidamnno vinyingi kuye vya va ta nyala kulungika; 8kandi Paulo ya tivula, Si nzononnya lilaga lya Vayuda, kali litempeli, kali mu nwa gwa Kaisari. 9Navutswa Festo kigira yenya kukolera Avayuda kindu kya va mu yanzira, ya tivulira Paulo na a vola, Wenya kutsia Yerusalemi u kalagirwe yo vindu yivi imbiri wange? 10Navutswa Paulo ya vola, Ni singiye imbiri wekisako kyokukalagira kya Kaisari, niho ha ndukira kukala girwa ho: ku Vayuda si nda kola kindu kidamano kuli ive mwene u manya bulahi. 11Ni mba ni ndona, kinga ni nkola kindu kya nduka kwiitwa, si nda sula kukudza; naw tswa vindu yivi vya va nzalira ni va ta li vyeligali, si ha veye nomundu u nyala kumbika mu makono gavo. Nzanira ku Kaisari. 12Hene yaho Festo lwa ya mala kuvolerana ne kyina, ya tivula, Wanira ku Kaisari, u la tsia Kaisari.
13Madiku malala lwa ga vita, Agiripa, mwami na Berinike va duka Kaisaria ni va chelidza Festo. 14Lwa va menya yo madiku ma nyingi, Festo ya volera mwami amakuva ga Paulo, na a vola, Mundu mulala a veye hano wa Felike ya leka, muhambe; 15wa vasalisi vanene navakulundu va Vayuda va mbolera amakuva gege, lwa nda li mu Yeru salemi, ni venya nkalage amakuva gege. 16Inze nda va tivulira, Si gyi li miima gya Varomi kutwulidza mundu u yalwa na a kikiri kuhenzana na va mu yala, na a nyola ubwiyangu kutivula ku vindu vya va mu yalira. 17Kunangwa, lwa va vugana hano, si nda linda, navutswa mugamba ndikala ku kisako kyokuka laga, ni mbaana munwa mundu a letwe. 18Navo ava mu yalalwa va singira si va leta vindu vidamano kuye kali kilala, kuli inze nda vola va la leta; 19navutswa va li namakuva luganolugano ku miluka gyavo, noku mundu mulala Yesu wa kudza wa Paulo ya vola a veye mwoyo. 20Na inze nda hayahayidza kuli wa ndi teva ku vindu yivi, ni mmu teva yenya kutsia Yerusalemi, a kalagirwe yo ku vindu yivi. 21Navutswa Paulo lwa yenya a hilwe kukalagirwa womwami munene, nda haana munwa a lindwe nda ka mu hile wa Kaisari. 22Agiripa ya volera Festo, Kali inze mwene nda li ni nyenya kuhulira mundu uyu. Ya mu volera, Mugamba u la mu hulira.
23Kunangwa mugamba, Agiripa lwa ya duka, na Berinike, nobwami bunene ni vingira hokuhulira amakuva, halala navanyampara vanene navandu vanene velidala, Paulo ya letwa nomunwa gwa Festo. 24Festo ya vola, Mwami Agiripa, ive navandu vosi ava ku veye navo hano, mu lola mundu uyu, wekiduma kya Vayuda kyosi Yerusalemi na hano va ngoonya kigira iye ni va gamba si bu li bulahi a ve mwoyo. 25Navutswa inze nda lola si ya kola kindu kali kilala kya a duka kwiitirwa: kandi kigira mwene yanira mwami munene, inze nda saavira kumuhila. 26Narutswa kuye si mbeye nekindu kyeligali kung'odira mwami wange, Kigira yiki mmali kumuleta imbiri wenyu, ligali imbiri wowo, mwami Agiripa, nyenya na a mali kwizodzwa, nyole likuva lyokung'oda. 27Kigira ndoli si bu li bulahi kuhila muhambe ni nta vuula vindu vi veye kuye.
Currently Selected:
Vikolwa 25: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
