2 Samweli 14
14
1Na Joabu mwana wa Zeruia ya manya mwoyo gwomwami gu henzi ku Abisalom. 2Na Joabu ya tuma avandu Tekoa, navo va twulidza yo mukali wobugeeri, naye ya mu volera, Mwadza, wegirunkanye wekole kuva umusyomi, wevike ingubo yelisyoma, mwadza, u tevaka maguta mba, navutswa u ve kuli mukali u syomeranga wa kudza kale: 3na wingire ku mwami, u mu volere makuva kuli yaga ga nku volera. Ma Joabu ya vika makuva mmunwa gwigwe.
4Kunangwa mukali wa Tekoa lwa ya volera mwami, ya gwa hasi ma mmama, na a sigamira, na a vola, U nkonye, O mwami. 5Nomwami ya mu teva, U veye naki? Nomukali zana ya tivula, Ligali inze mbeye mukunzakali, musatsa wange ya kudza. 6Na inze mukana mutugwa wowo nda li navana vaviri avayai, na vombi va kupanira mmulimi, na si ha li nomundu himbi kuvavukannya, navutswa mulala ya kuya wakye na a mwiita. 7Na, henza, aviko vosi va vukiye inze, mukana mutugwa wowo, na va vola, U twulidze uyu wa kuya amwavo wewe, ku duke kumwiita kigira livamwoyo lyamwavo wewe wa yiita, na ndiyo va la gotidza wemi yandu kandi. Na hene yaho va la siminya lianda lyange lya tigala, na va la vula kulekera musatsa wange lieta kinga wa tigala ku lirova.
8Nomwami ya volera mukali Tsia ingo wowo, na nda haana lilaga ku makuva gogo. 9Nomukali wa Tekoa ya volera mwami, Munene wange, O mwami, ubudamano yibu bu veye ku inze, noku inyumba ya dada wange: nomwami nentebe i vule kuva nekindu kuyo. 10Nomwami ya vola Ku vosi u vola ku ive kindu u mu lete ku inze, naye a la vula kukudira kandi. 11Ma ya vola, Nku goonya, mwami widzulitse Ya hova Nyasaye wowo, wokuvanza kisalya kyamasahi, a ta dividza kandi kuvita, gase va la dividza mwana wange. Naye ya vola, Kuli Yahova a veye mwoyo, li la vula kugwa hasi kali lisu lilala lyomwana wowo.
12Hene yaho mukali ya vola Nku goonya, Leka inze, mukana mutugwa wowo, mbolerane nive likuva, munene wange, mwami. Naye ya mu volera, U vole. 13Mukali uyu ya vola, Kivune ki veye ki ive kuganagana kindu kuli yiki ku avandu va Nyasaye? Migira mu livola likuva yili mwami a veye kuli mulala u veye nelihyola, kigira mwami si a leta kandi uyu mulala wa kungwa. 14Kigira ga dukira kwinye ku kudza, na ku veye kuli madzi ga sunduka ku marova, aga ta nyalika kudolwa kandi; na Nyasaye si ya twulidza livamwoyo, navutswa ya lomba inzira, wa kungwa a vule kuva wa tebwa kutwula kuye. 15Kunangwa ka lunu kuli inze ndadza mbole likuva yili ku munene wange mwami, ga veye kigira avandu va ntihidza: nomukana mutugwa wowo nda vola, Inze nda volera mwami kalunu, na musia mwami a la dukidzira mutu mekiri wewe lyenya lilye. 16Ki gira mwami a la hulira, na a la honnya mutumekiri wewe ku mukono gwomusatsa u yanzanga kudividza inze nomwana wange halala, nokuku twulidza ku miyandu gya Nyasaye. 17Hene yaho inze mukana mutugwa wowo lwa nda vola, Mwadza, likuva lyomwami li ve lyokuleta bwelemeridzi; kigira kuli ingelosi wa Nyasaye, ni ndiyo munene wange, mwami a veye kwavukannya amalahi namada mano: na Yahova Nyasaye wowo a veye halala nive.
18Hene yaho mwami ya tivula na a volera mukali uyu, Mwadza, u ta mbisa kindu ku vyosj kya nku teva. Nomukali ya vola, Munene wange, mwami a vole kalunu. 19Kunangwa mwami ya vola, Umukono gwa Joabu gu veye halala nive mu makuva yaga gosi? Nomukali ya tivula na a vola, Kuli ive mwene u veye mwoyo, O munene wange mwami, si ha veye nomundu u nyala kugirunkana ku luvega lwomukono mulungi kinga ku luvega lwomukono mmosi a leke li kuva lya a mali kuvola umunene wange mwami; kigira mutumekiri wowo Joabu, ya mba munwa, naye niye ya vika makuva yaga gosi mu munwa gwomutugwa wowo; 20mu tumekiri wowo Joabu ya kola yaga a duke kugirunkannya ligondo lye nkuva yiyi: nomunene wange a veye nobugeeri, kuli ubugeeri bwengelosi wa Nyasaye, a duke kumanya vindu vyosi vi veye ku lirova.
21Nomwami ya volera Joabu Henza kalunu, inze nkoli inkuva yiyi kunangwa u tsie, u lete musoleli Abi salom yirane. 22Na Joabu ya gwa mammama, na a sigamira, na ya santidza mwami; Joabu ya vola, Lero ndi inze mutumekiri wowo mmanya nyoye tsimbabasi imbiri wowo, mu nene wange, O mwami, kigira mwami u dukidzi lisaala lyomutumekiri wewe. 23Ma Joabu ya vuka na a tsia Geshuru, na a leta Abisalom Yeru salemi. 24Nomwami ya vola, A tsie yengo wewe, navutswa a vule kulola mmoni mwange. Na Abisalom ya tsia yengo wewe, na ya vula kulola mwami mmoni mwimwe.
25Mu Israeli mwosi si ha li no mundu kali mulala welidzominywa ku bulahi bwibwe bweligondo kuli Abisalom; kutwula ku induvatiru yeye kuduka ku lwote lwomutwe gwigwe si ya li nobulema kali hakuzu. 26Na lwa ya veganga mutwe (ya veganga ku kiheri kyemihiga gyosi kigira lisu lya liliduhu kuye, kigira yaga ya li vega); ya gera lisu lyomu twe gwigwe lya duka tsishekeli tsimia tsiviri kuli tsiratili tsyomwami. 27Na Abisalom yivula avana avayai vavaka, nomukana mulala, wa langwa lieta lilye Tamaru: uvu ya li mukana weligondo lilahi.
28Na Abisalom ya menya mihiga gyiviri mu Yerusalemi; na ya vula kulola mmoni mwomwami. 29Ku nangwa Abisalom ya langa Joabu, a duke kumutuma ku mwami; navutswa si ya bugirira kutsia kuye: na ya mu langa hali kaviri, navutswa ya vula kutsia. 30Kunangwa Abisalom ya volera avatumekiri veve, Henza, mulimi gwa Joabu gu veye himbi nogwange, na a veye ne shairi mugwo; mu tsie kuhambidza muliru mu lirni. Ma vatumekiri va Abisalom va hambidza muliru muiimi zana. 31Hene yaho Joabu ya singira, na a tsia ku Abisalom mu inyumba yeye, na ya teva, Kigira ki avatumekiri vovo va hambidzi umuliru mulirni gwange? 32Na Abisalom ya tivu lira Joabu, Henza, nda tuma avandu ku ive, ni mbola, Hamba yino, nduke kukutuma ku mwami, kuvola, Inze nduki kutwula Geshuru kigira ki? Nobulahi ku inze ni mba ni mba yo kuduka kalunu. Kunangwa kalunu leka ndole mmoni mwomwami, nobudamano ni bu va ni bu veye mu inze, a nziite. 33Ma Joabu ya tsia ku mwami, na a mu volera; naye lwa ya langa Abisalom, ya tsia ku mwami, na a gwa mammama, kuduka hasi imbiri womwami: nomwami ya busa Abisalom.
©Bible Society of Kenya, 1967