2 Samweli 13
13
1Na ga duka inyima wa yaga, Abisalom mwana wa Daudi ya li na mbotso mulahi ligali, wa langwa Tamaru; na Amnon mwana wa Daudi ya mu yanza. 2Na Amnon yesaleridza kigira uyu Tamaru mbotso wewe kuduka ya gwa mulwaye; kigira mukana uyu ya li mugima; na Amnon ya lola nenkuva indinyu kuye kumukolera kindu. 3Navutswa Amnon ya li nomulina wewe, wa langwa Jonadabu, mwana wa Shimea, amwavo wa Daudi: na Jonadabu ya li mundu mugalama ligali. 4Naye ya volera Amnon, Kigira ki ive, O mwana womwami, u ng'ahanga ndi lidiku nelidiku? Si u la mbolera? Na Amnon ya mu volera, Inze nyanza Tamaru, mbotso wamwavo wange Abisalom. 5Na Jonadabu ya mu volera, Gona ku kitali kikyo, wekole kuli mulwaye: na lwa dada wowo yadza kukulola, u mu volere, U lete mbotso wange Tamaru yadze, mwadza, a mbe ubukima ndagire, naye a lombe ubukima imbiri wetsimoni tsyange, nduke kubulola, ndagire mmakono gege. 6Na Amnon ya gona, na yekola kuli mulwaye: nomwami lwa ya tsia kumulola, Amnon ya volera mwami, Mwadza u lete mbotso wange Tamaru, yadze a nombere ubukima tsimango tsiviri irnbiri wetsimoni tsyange, nduke kulagira mmakono gege.
7Na Daudi ya tuma mundu ku Tamaru, mu inyumba, na a vola, Kalunu u tsie mu inyumba ya mbotso wowo Amnon, na u mu lombere vyokulia. 8Na Tamaru ya tsia mu invumba ya mbotso wewe Amnon na ya li na a goni ku kitali. Mukana uyu ya vugula kinoko, na a ki lomba, nokuluga ubukima imbiri we tsimoni tsitsye, ni yominya tsimango. 9Naye ya vugula isahani na ya sunda ubukima imbiri wewe; navutswa ya sula kulia. Na Amnon ya vola, Avasatsa vosi va twula imbirt wange. Na va twula kuye avasatsa vosi. 10Amnon ya volera Tamaru, Leta vyokulia mu inyumba, ndagire mu mukono gugwo. Na Tamaru ya vuguia ubukima bwa ya lomba, na a bu leta mu inyumba ku mbotso wewe Amnon. 11Na lwa ya bu leta himbi kuye a duke kulagira, Amnon ya gumira mukana, na a mu volera, Hamba u gone ninze, mbotso wange. 12Naye ya tivula, Auwa, mbotso wange, u ta nniga, kigira si ga du kanga inkuva kuli yiyi kukolwa mu Israeli: u ta kola ubusiru yibu mba. 13Na inze, nda tsia hai netsisoni tsyange? Noku ive, u la va kuli mulala ku avasiru mu Israeli. Kunangwa kalunu, nku goonya, u volerane nomwami; naye si a la ku gaya mbule kuudza ku ive. 14Navutswa si ya bugirira kuhulira mwoyo gwomukana; navutswa kigira ya li netsingulu kumuvita, ya mu niga, na a gona naye.
15Ma Amnon ya mu dunyira neli dunya linene; kigira ubudrmyi bwa ya mu dunyira bwa li bunene kuvita ubuyanzi bwa ya mu yanza ku matsyambiri. Na Amnon ya volera mukana, Singira, u tsie. 16Naye ya mu volera, Auwa, si ga li ndiyo, kigira ubudamano ubunene yibu bwokunkunga kyova bu rita bwa wa nkolera. Navutswa ya vula kumuhulira. 17Hene yaho ya langa mutu mekiri wewe wa mu tumekiranga, na ya mu volera, Twulidza mukana uyu a twule ku inze, na u vasire muliangu inyima wewe. 18Nomukana uyu ya li ni yeviki ingubo yamagondo lu gano lugano; kigira gwa li mwima gwavakana avagima vomwami kwivika tsingubo tsyolugano yilu. Kunangwa mutumekiri wewe ya mu twulidza, na a vasira naliango inyima wewe. 19Na Tamaru yevika ligoke ku mutwe gwigwe, na a tandula ingubo yeye yamagondo lugano lugano ya yevika; na yavika mukono ku mutwe gwigwe, na a tsia, na a lira nomwoyo munene, na a genda.
20Abisalom mbotso wewe ya mu teva Mbotso wowo Amnon ya li halaia nive? Navutswa kalunu ki ring'ana, mbotso wange: kigira a veye mbotso wowo; u ta vika inkuva yiyi mu mwoyo. Ma Tamaru ya menya mu inyumba ya mbotso wewe Abisalom, na a veye mudedekere. 21Navutswa mwami Daudi lwa ya hulira makuva yaga gosi, ya vihirirwa ligali. 22Na Abisalom si ya volera Amnon ubulahi kinga ubudamano; kigira Abisalom ya dunyira Amnon, kigira ya niga mbotso wewe Tamaru. 23Na ga duka inyima wemihiga gyiviri, Abisalom ya li navandu avo kukalaga bwoya bwamagondi mu Baalhazoru, lya li himbi Efiraim: na Abisalom ya langa avana vayai vomwami vosi. 24Na Abisalom ya tsia ku mwami, na a mu volera, Inze mutumekiri wowo mbeye na vandu vokukalaga bwoya bwamagondi; mwadza, ive kandi mwami udze, navatumekiri vovo, halala ninze mutumekiri wowo. 25Nomwami ya volera Abisalom, Auwa, mwana wa nge, ku ta tsia kwosi, gase ku la ku yekera. Naye ya mu goonya: navu tswa ya vula kubugirira kutsia, navutswa ya mu gasidza. 26Ma Abi salom ya vola, Ni i va u vula kuudza, mwadza, leka amwavo wange Amnon yadze na kwinye. Nomwami ya mu teva, Yadze halala nive kigira ki? 27Navutswa Abisalom ya mu goonya, naye ya leka Amnon na vayai vandi vosi vomwami va tsie halala naye. 28Na Abisalom ya laga avatumekiri veve, na a vola, Henzi kalunu, Amnon lwa mwoyo gwigwe gu sangala kigira iwaini; na lwa mbolera mwinye, Kuyi Amnon, hene yaho mu mwiite; mu ta tia mba; si a ve inze u mu laga? Mu lume enkolo, mu ve avaluviriri. 29Ma vatu mekiri va Abisalom va kolera Amnon kuli Abisalom ya va laga. Hene yaho avayai vomwami vosi va singira sa mulala ya nina inyumbu yeye ni yiruka. 30Na ga duka, inyinga ya va li ku inzira, Daudi ya hulira makuva, ku vola, Abisalom wiiti avayai vomwami vosi, si ya tigala kali mulala kuvo mba. 31Hene yaho umwami ya singira na a tandula tsingubo tsitsye, na a gona hasi; avatumekiri veve vosi va singira himbi kuye, netsingubo tsitanduki. 32Na Jonadabu, mwana wa Shimea, amwavo Daudi, ya tivula na a vola, Munene wange a ta ganagana wiiti avasoleli vosi vomwami; kigira ni Amnon yeng'ine u kudzi: kigira ku litovola lya Abisalom lya saavirwa kutwula ku lidiku lya ya niga mbotso wewe Tamaru. 33Kunangwa kalunu munene wange umwami a ta vika inkuva yiyi mu mwoyo gwigwe ligali, kuganagana avayai vomwami vosi va kudzi; kigira ni Amnon weng'ine u kudzi.
34Navutswa Abisalom yiruka. Nomusoleli wa li nobulindi ya ginga tsimoni tsitsye, na a lola, henza, avandu vanyingi vadzanga ku inzira yoku luvega lwomugongo gwekigulu. 35Na Jonadabu ya volera mwami, Henza, avayai vomwami vadzanga: kuli inze mutumekiri wowo ya vola, ga veye ndiyo. 36Kandi ga duka, nonoho lwa ya mala kuvola, henza, avayai vomwami va duka, navo va ginga myoyo gyavo, ni va lira: nomwami navatumekiri veve vosi va lira ligali.
37Navutswa Abisalom yiruka, na a tsia ku Talmai wa Amihuri, mwami wa Geshuru. Na Daudi ya syomera mwana wewe madiku gosi. 38Ma Abisalom yiruka, na a tsia Geshuru, na a menya yo mihiga gyivaka. 39No mlrouo guomwami Dnudi gwa kayirwa kutwula kutsia ku Abisalom: kigira ya nyola busosi bwomwoyo kigira Amnon, kigira ya mala kukudza.
©Bible Society of Kenya, 1967