1 Vakorintho 5
5
1Ligali ga mali kulanda ha veye nobuheyi mu mwinye, ubuheyi kuli bu ta li mu Tsihiri, mulala ku mwinye a veye nomukali wa ise. 2Mwinye mwigingira, kandi si mwa verera, uyu wa kola inkuva yiyi a twulidzwe mu mwinye. 3Kigira inze ligali, ni mba ni nta veye ho ku mubiri, navutswa ku roho gwange mbeye ho, mmali kukalagira uyu wa kola inkuva yiyi, kuli nda li ho, 4mu lieta lyo Mwami wetu Yesu, mwinye ni mu va ni mu mali kuvu gana, na roho gwange, halala netsingulu tsyo Mwami wetu Yesu, 5mu he Setani mundu uyu, liva lyomubiri liitwe, roho gu honnywe mu lidiku lyo Mwami Yesu. 6Liidzominya lyenyu si li veye lilahi. Si mu manya mamera makekeke ga kolanga lihumbe lyosi li ve namamera? 7Mu twulidze mamera ga kale, mu duke kuva lihumbe lihya, kuli ava vula kuvikwa mamera. Kigira lipasaka lyetu li mali kwiitwa, nalyo ni Kristo: 8kunangwa ku lombe lilia, li ta va namamera ga kale, kinga namamera gembodoka nobu damano, navutswa nobukima obwere nobweligali bu ta li namamera.
9Mmali kung'odera mwinye mu ibaruwa yange mu ta hambana navaheyi; 10Si mboye ku vaheyi avomulirova yili ligali mba, kinga ava kayirwa ubudamano, navanuuli, kinga ava londa misambwa; ki gira ni ga ve ndiyo nkano nu bulahi mu twule mu lirova: 11navutswa kalunu mmu ng'odeye mu ta hambana nomundu u langwa amwavo, na a veye muheyi, kinga u kayirwa ubu damano, kinga u londa misambwa, kinga munyegi, kinga muhambiki, kinga munuuli; mundu u veye ndi mu ta hambana naye mba, auwa, kali kulia naye. 12Kigira mbeye naki kukalagira ava veye kyova? Mwinye si mu kalagira ava veye ku mwinye? 13Navutswa ava veye kyova, Nya saye a va kalagira. Mu twulidze mundu mudamano a twule ku mwinye.
Currently Selected:
1 Vakorintho 5: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
