1 Vakorintho 2
2
1Na inze lwa nda duka ku mwinye, avamitu, si ndadza kumwilwadzira lilolekidza lya Nyasaye nobunene bwamakuva kinga nobugeeri. 2Kigira nda lalira mbule kumanya kindu kali kilala mu mwinye, navutswa Yesu Kristo, uyu u bambeywi. 3Nda li nemwinye nobudedekere nobutii, nelidegera linene. 4Kandi livola lyange nelilwadza lyange si lya li mu makuva gokugoonya gobugeeri, navutswa lya li mu lilang'aminywa lya Roho kandi lyetsingulu: 5lisuuvira lyenyu li ta va mu bugeeri bwavandu, navutswa li ve mu tsingulu tsya Nyasaye.
6Kwinye ku vola ubugeeri hagati havo ava veye avadukiru: navutswa si bu li ubugeeri bwenyinga yiyi, kandi si bu li bwavanene bwenyinga yiyi, ava li heridzwa. 7Navutswa kwinye ku vola ubugeeri bwa Nyasaye mu gaviswa, ubugeeri bwa viswa, bwa Nyasaye ya singeridza imbiri wetsinyinga yitsi ku lidzominywa lyetu. 8Mu vanene venyinga yiyi si ha veye nomulala u bu manya: kigira va va ni va bu manya nkano si va bamba Mwami wobukumi
9Navutswa kuli ga ng'odwa,
Vindu vyemoni i ta lola, kandi ugutu si gu hulira,
Kandi si vingira mu mwoyo gwomundu,
Vindu vyosi vya Nyasaye ya lombera ava mu yanza.
10Navutswa Nyasaye ya ku vuulira ku Roho: kigira Roho yidera vindu vyosi; yee, kuduka ku vindu vya Nyasaye vyoluliva. 11Kigira nibwaha ku vandu u manya vindu vyavandu ni gu ta li roho gwomundu gu veye muye? Kandi ndiyo vindu vya Nyasaye si ha veye no vi manya na a ta li Roho wa Nyasaye. 12Navutswa kwinye si kwa vugula roho gwelirova, navutswa kwa vugula Roho wa twula ku Nyasaye; ku duke kumanya vindu vya Nyasaye ya ku ha nobuhaani. 13Vindu vya kwinye ku volanga, si vi veye mu makuva gobugeeri bwavandu bwegidza, navutswa aga Roho yegidza; ku tsukannya vindu vya Roho namakuva ga Roho. 14Mundu wolugano lwo mubiri si ya vugula vindu vya Roho wa Nyasaye: kigira vi veye ubusiru kuye; naye si ya nyala kuvimanya, kigira vi manyekana ku roho. 15Navutswa uyu u veye wa roho yidera vindu vyosi, navutswa mwene, mundu si ya mwidera kali mulala. 16Kigira ibwaha wa manya tsiganagani tsyo Mwami, a duke kumwegidza? Navutswa kwinye ku veye netsiganagani tsya Kristo.
Currently Selected:
1 Vakorintho 2: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
