1 Vakorintho 1
1
1Paulo, wa langwa kigira ubulaliri bwa Nyasaye kuva mutumwa wa Yesu Kristo, na Sosithene amitu wetu 2ibaruwa yetu yiyi i dukire livugana lya Nyasaye li veye mu Korintho, yava ava takaswa mu Kristo Yesu, ava langwa va ve avatakatifu, halala na yavo vosi ava veye mu tsimbega tsyosi avanira ku lieta lyo Mwami wetu Yesu Kristo, Mwami wavo kandi wetu. 3Tsimbabasi tsi ve ku mwinye nemirembe gyi twulanga ku Nyasaye Dada wetu noku Mwami Yesu Kristo.
4Nsantidzanga Nyasaye wange madiku gosi kigira mwinye, kigira tsimbabasi tsya Nyasaye tsya mwa hebwa mu Kristo Yesu; 5kigira mu nyoye muye ubuhinda ku vindu vyosi, mu livola lyosi nelimanya lyosi; 6kuli lilolekidza lya Kristo lya kolwa li ve netsingulu mu mwinye: 7mwinye mu duke kuvula kugehera kihaanwa kali kilala; mwinye mu veye mu lilinda li lang'aminywa lyo Mwami wetu Yesu Kristo; 8uyu niye u li mu dinyeridza netsingulu kuduka ku kiheri, mu Dule kuva neki ndu ku mwinye ku lidiku lyo Mwami wetu Yesu Kristo. 9Nyasaye a veye musuuvirifu, wagyira ni mu Iangwa nokuvikwa mu lisanga lyo Mwana wewe Yesu Kristo Mwami wetu.
10Kalunu mmu goonya ligali, avamitu, ku lieta lyo Mwami wetu Yesu Kristo, mu vole amakuva malala mwinye mwosi, kandi lyavukana li ta va ku mwinye; navutswa mu lalilidze imbulirani mu tsiganagani kandi mu makuva. 11Avamitu, kigira avalala avenyumba ya Kiloe va mboleye amakuva genyu, lihing'ana li veye mu mwinye: 12Aga mbola ni yaga, ku mwinye sa mulala a vola, Inze mbeye wa Paulo; na inze wa Apolo; na inze wa Kefa; na inze wa Kristo. 13Kristo yavukanywa naho? Paulo ya bambwa kigira mwinye naho? Mu batidzwa mu lieta lya Paulo naho? 14Nsantidzanga Nyasaye si nda batidza mulala ku mwinye, na a ta li Krispo na Gayo; 15gase mundu mulala a la vola mwa batidzwa mu lieta lyange. 16Kandi nda batidza avenyumba ya Stefano: bugira yava si mmanya nda batidza avandi naho. 17Kigira Kristo si ya ntuma kubatidza, navutswa kwilwadza ivangeli: si lya li mu bugeeri bwamakuva, gase tsingulu tsyomusalaba gwa Kristo tsi lononywa.
18Kigira likuva lyomusalaba li veye ubusiru ku yavo ava divanga: navutswa ku kwinye ava honnyangwa nalyo li veye tsingulu tsya Nyasaye. 19Kigira ga ng'odwa,
Nda dividza ubugeeri bwavageeri,
Nelimanya lyavamanya nda lega.
20Umugeeri a veye haliha? Mung'odi a veye haliha? Umuhingi wenyinga yiyi a veye haliha? Nyasaye si ya kola ubugeeri bwelirova bu ve ubusiru? 21Kigira mu bugeeri bwa Nyasaye, lirova, mu bugeeri bwalyo, si lya manya Nyasaye, Nyasaye ya yanza kuhonnyira avasuuvira mu busiru bwelilwadza. 22Kigira Avayuda venyanga vilolekidzu, na Vagreki venya ubugeeri: 23navutswa kwinye kwilwadza Kristo wa bambwa, ku Vayuda a veye kyokwikigitalidza, na ku Tsihiri a veye ubusiru; 24navutswa ku Vayuda na Vagreki ava langwa, a veye Kristo tsingulu tsya Nyasaye, nobugeeri bwa Nyasaye. 25Kigira ubusiru bwa Nyasaye bu veye nobugeeri kuvita bwavandu; nobudedekere bwa Nyasaye bu veye netsingulu kuvita tsyavandu.
26Kigira mu henze lilangwa lyenyu, avamitu, kuli si ha li navageeri vanyingi ku bugeeri bwomubiri, kandi si ha li navetsingulu avanyingi, kandi si ha li navanene vanyingi avalangwa: 27navutswa Nyasaye ya tovola vindu vyobusiru ku vyelirova, a duke kulegannya avageeri, kandi Nyasaye ya tovola vindu videdekere ku vyelirova a duke kulegannya vindu vyetsingulu; 28kandi viha nzahanza vyelirova nevya vandu va leganga, Nyasaye ya vi tovola, kandi vi ta veve ho a duke kukola kuva vutswa vindu vi veye ho: 29ku mibiri gyosi gu ta va ho mulala okwiidzominya imbiri wa Nyasaye. 30Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi: 31kuli wa ga ng'odwa, Widzominya, yidzominyire ku Mwami.
Currently Selected:
1 Vakorintho 1: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
