OBUBALI 7
7
Ebihanwa biabemeli
1Ne khwitukhu elia Musa yali namal'le okhusinjisia Liheema liokhubaho khwo MWAMI, yalitsukhil'lakhwo amafura nende okhuliahula, halala nebindu biamwo biosi nende olusambwa nebimanulwa bialwo biosi. 2Ma abemeli betsinzibulo tsia Baisiraeli, abali khandi abakhongo bebilibwa biabwe, nibo khandi abali okhusinjil'la omulimo kwokhubala abandu, 3baleera ebihanwa biabwe imbeli wo MWAMI singa mbu, amakaari kasasaba akalikhwo ebifuunikho, netsing'ombe likhumi natsibili, likari elala khubuli abemeli babili, khandi echulukhi ndala khubuli omwemeli mulala. Olwa bali nibamal'le okhubihaana, 4OMWAMI yabool'la Musa mbu, 5“Obibukule okhurula khubo mbu birumikhilwe khumulimokwe Liheema; obihaane khu Balawi okhulondokhana nemilimo echia bahebwa okhukhola.” 6Kho Musa nabukula amakaari tsana netsing'ombe, nabihaana khu Balawi. 7Yahaana amakaari kabili netsing'ombe tsine, khubesilibwa sia Gerishoni, 8khandi nahaana amakaari kane netsing'ombe munane, khubesilibwa sia Merari. Emilimo chiabwe chiosi chiakholwa hasi hobwemeli bwa Itsamari omusiani wa Haruni omwesaalisi. 9Nebutswa Musa siyahaanakhwo esindu khubesilibwa sia Kohatsi tawe; sichila ebindu ebitsienukhu ebia balindanga babichinganga khumabeka kabwe.
10Khandi abemeli yabo baleera ebihanwa khulwe lisabo liokhuhaana olusambwa khu MWAMI. Olwa bali niberechekhele okhuhaana ebihanwa biabwe khulusambwa; 11OMWAMI yabool'la Musa mbu, “Obabool'le mbu sielitukhu khulwa amatukhu likhumi nende kabili omwemeli mulala aleere ebihanwa bibie khulwo okhuhanwa khwolusambwa khu MWAMI.”
12Owaleera esihanwasie khwitukhu liokhuranga yali Nashoni omusiani wa Aminadabu, owolwibulo lwa Yuda. 13Esihanwa sisie siali olusalilo l'lala lwefetsa, oluhela ekilo ndala nende enusu, epeseni ndala eyefetsa yobusiro obuhela etsiguramu etsimia munane nochela khubusiro obwahuchil'lwa, biosi nibitsuyekhwo obusie obunyukhe obutsokanibwemwo amafura khulwo omusango kwobuswache. 14Khandi yahaana olusalilo l'lala lwetsahabu olwo obusiro obuhela etsiguramu emia ndala nende likhumi nilwitsuyekhwo obwali; 15neing'ombe ehunwa ndala, nelimiiku elala, nesimeme siomuhika mulala silala, khulwo omusango kwokhusambwa; 16imbusi ekhole ndala khulwo omusango kwetsimbi; 17etsichulukhi tsibili, namamiiku karano, netsikhole tsirano, nebimeme biomuhika mulala birano khulwo omusango kwobuhambani.
18Khwitukhu liakhabili Netsaneli omusiani wa Suari, omwemeli wolwibulo lwa Isakari, yaleera esihanwa sisie. 19Esihanwa sisie siali olusalilo olukali l'lala lwefetsa, oluhela ekilo ndala nende enusu, nepeseni ndala eyefetsa ehela etsiguramu etsimia munane khubusiro obwahuchil'lwa, biosi nibitsuyekhwo obusie obunyukhe obutsokanibwemwo amafura khulwo omusango kwobuswache. 20Khandi yahaana olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 21neing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 22imbusi ekhole ndala khulwo omusango kwetsimbi; 23etsichulukhi tsibili, namamiiku karano, netsikhole tsirano, nebimeme biomuhika mulala birano khulwo musango kwobuhambani.
24Khwitukhu liakhataru Eliabu omusiani wa Heloni, omwemeli wolwibulo lwa Sabuloni yaleera esihanwa sisie. 25Esihanwa sisie siali olusalilo olukali l'lala lwefetsa, oluhela ekilo ndala nende enusu, epeseni ndala ehela etsiguramu tsimia munane nochela khubusiro obwahuchil'lwa, biosi nibiitsuyekhwo obusie obunyukhe obutsokanibwemwo amafura khulwo omusango kwobuswache; 26olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 27ing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 28imbusi ekhole ndala khulwo omusango kwetsimbi; 29etsichulukhi tsibili, namamiiku karano, netsikhole tsirano, nebimeme biomuhika mulala birano khulwo musango kwobuhambani.
30Khwitukhu liakhane Elisuri omusiani wa Shedeuri omwemeli wolwibulo lwa Rubeni yaleera esihanwa sisie. 31Esihanwa sisie siali olusalilo olukali l'lala ekilo ndala nende enusu; epeseni ndala eyefetsa ehela etsiguramu etsimia munane noluchela khubusiro obwahuchil'lwa; biosi nibiitsuyekhwo obusie obunyukhe obutsokanibwemwo amafura khulwo omusango kwobuswache; 32olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 33neing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 34imbusi ekhole ndala khulwo omusango kwetsimbi; 35etsichulukhi tsibili, namamiiku karano, netsikhole tsirano nebimeme biomuhika mulala birano khulwo musango kwobuhambani.
36Khwitukhu liakharano Shelumieli omusiani wa Surishadai, omwemeli wolwibulo lwa Simioni yaleera esihanwa sisie. 37Esihanwa sisie siali olusalilo l'lala lwefetsa, oluhela ekilo ndala nende enusu, epeseni ndala eyefetsa ehela etsiguramu etsimia munane nochela khubusiro obwahuchil'lwa biosi nibitsuyekhwo obusie obunyukhe obutsokanibwemwo amafura khulwo omusango kwobuswache; 38olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 39ing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 40imbusi ekhole ndala khulwo omusango kwetsimbi; 41etsichulukhi tsibili, namamiiku karano, netsikhole tsirano khulwomusango kwobuhambani.
42Khwitukhu liakhasasaba Eliasafu omusiani wa Deweli, omwemeli wolwibulo lwa Gadi yaleera esihanwa sisie. 43Esihanwa sisie siali olukali l'lala lwefetsa, oluhela ekilo ndala nende enusu, epeseni ndala eyefetsa ehela etsiguramu etsimia munane nochela khubusiro obwahuchil'lwa; biosi nibiitsuyekhwo obusie obunyukhe obutsokanibwemwo amafura khulwo omusango kwobuswache; 44olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 45ing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 46imbusi ekhole ndala khulwo omusango kwetsimbi; 47etsichulukhi tsibili, namamiiku karano, netsikhole tsirano, nebimeme biomuhika mulala birano khulwo omusango kwobuhambani.
48Khwitukhu liakhane nakhataru Elishama omusiani wa Amihudi, omwemeli wolwibulo lwa Efuraimu yaleera esihanwa sisie. 49Esihanwa sisie siali olusalilo l'lala lwefetsa oluhela ekilo ndala nende enusu; epeseni ndala eyefetsa ehela etsiguramu etsimia munane nochela khubusiro obwahuchil'lwa; biosi nibiitsuyekhwo obusie obunyukhe obutsokanibwemwo amafura khulwo omusango kwobuswache; 50Olutaabo l'lala lwetsahabu oluhela etsiguramu emia ndala nende likhumi nilwitsuyekhwo obwali; 51ing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 52imbusi ekhole ndala, khulwo omusango kwetsimbi; 53etsichulukhi tsibili, namamiiku karano, netsikhole tsirano, nebimeme biomwesi mulala birano khulwo musango kwobuhambani.
54Khwitukhu liamunane Gamalieli omusiani wa Pedasuri, omwemeli wolwibulo lwa Manase yaleera esihanwa sisie. 55Esihanwa sisie siali olusalilo l'lala lwefetsa, oluhela ekilo ndala nende enusu; epeseni ndala yefetsa ehela etsiguramu etsimia munane, nochela khubusiro obwahuchil'lwa; biosi nibitsuyekhwo obusie obunyukhe obutsokanibwemwo amafura khulwo omusango kwobuswache; 56olusalilo lwetsahabu oluhela etsiguramu emia ndala nende likhumi, nilwitsuyekhwo obwali; 57ing'ombe ehunwa ndala, nelimiiku elala, nesimeme siomuhika mulala silala, khulwo omusango kwokhusambwa; 58imbusi ekhole ndala khulwa omusango kwetsimbi; 59etsichulukhi tsibili, namamiiku karano, netsikhole tsirano, nebimeme biomuhika mulala birano khulwomusango kwobuhambani.
60Khwitukhu liakharano nakhane Abidani omusiani wa Gideoni omwemeli wolwibulo lwa Benjameni yaleera esihanwa sisie. 61Esihanwa sisie siali olusalilo l'lala lwefetsa oluhela ekilo ndala nende enusu; epeseni ndala yefetsa ehela etsiguramu etsimia munane nochela khubusiro obwahuchil'lwa; biosi nibitsuyekhwo obusie obunyukhe obutsokanibwemwo amafura khulwo omusango kwobuswache; 62olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 63ing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 64imbusi ekhole ndala khulwo omusango kwetsimbi; 65etsichulukhi tsibili, amamiiku karano, netsikhole tsirano, nebimeme biomuhika mulala birano khulwo omusango kwobuhambani.
66Khwitukhu lielikhumi Abieseri omusiani wa Amishadai, omwemeli wolwibulo lwa Dani yaleera esihanwa sisie. 67Esihanwa sisie siali olusalilo l'lala lwefetsa oluhela ekilo ndala nende enusu; epeseni ndala eyefetsa ehela etsiguramu etsimia munane nochela khubusiro obwahuchil'lwa; biosi nibitsuyekhwo obusie obunyukhe obutsokanibwemwo amafura khulwo omusango kwobuswache, 68olusalilo l'lala lwetsahabu oluhela etsiguramu emia ndala nende likhumi, nilwitsuyekhwo obwali; 69ing'ombe ehunwa ndala, nelimiiku elala, nesimeme siomuhika mulala silala khulwa omusango kwokhusambwa; 70imbusi ekhole ndala khulwo omusango kwetsimbi; 71etsichulukhi tsibili, namamiiku karano, netsikhole tsirano, nebimeme biomuhika mulala birano khulwo omusango kwobuhambani.
72Khwitukhu lielikhumi nal'lala, Pagieli omusiani wa Okirani, omwemeli wolwibulo lwa Asheri yaleera esihanwa sisie. 73Esihanwa sisie siali olusalilo l'lala lwefetsa oluhela ekilo ndala nende enusu, epeseni ndala yefetsa ehele etsiguramu etsimia munane nochela khubusiro obwahuchil'lwa; biosi nibitsuyekhwo obusie obunyukhe obutsokanibwemwo amafura khulwa omusango kwobuswache; 74olusalilo l'lala lwetsahabu oluhela etsiguramu emia ndala nende likhumi nilwitsuyekhwo obwali; 75ing'ombe ehunwa ndala, nelimiiku elala, nesimeme siomuhika mulala silala khulwo omusango kwokhusambwa; 76imbusi ekhole ndala khulwo omusango kwetsimbi; 77etsichulukhi tsibili, namamiiku karano, netsikhole tsirano, nebimeme biomuhika mulala birano khulwo omusango kwobuhambani.
78Khwitukhu lielikhumi nakhabili Ahira omusiani wa Enani, omwemeli wolwibulo lwa Nafutali yaleera esihanwa sisie. 79Esihanwa sisie siali olusalilo l'lulala lwefetsa oluhela ekilo ndala nende enusu, epeseni ndala yefetsa ehela etsiguramu etsimia munane, nochela khubusiro obwahuchil'lwa, biosi nibitsuyekhwo obusie obunyukhe obutsokanibwemwo amafura khulwo omusango kwobuswache; 80olusalilo l'lala lwetsahabu oluhela etsiguramu emia ndala nende likhumi nilwitsuyekhwo amalesi obwali; 81ing'ombe ehunwa ndala, nelimiiku elala, nesimeme siomuhika mulala silala, khulwo omusango kwokhusambwa; 82imbusi ekhole ndala khulwo omusango kwetsimbi; 83etsichulukhi tsibili, namamiiku karano, netsikhole tsirano, nebimeme biomuhika mulala birano khulwo omusango kwobuhambani.
84Bino nibio ebihanwa ebiabemeli likhumi nababili ba Baisiraeli biobwahuli bwolusambwa, ebia baleera khulwomukho kwokhuhaana olusambwa khu MWAMI: etsisahani likhumi natsibili tsiefetsa, etsipeseni likhumi natsibili tsiefetsa, nende tsindaabo likhumi nachibili chietsahabu. 85Buli olusalilo lwefetsa lwachelwa ekilo ndala nende enusu khandi buli epeseni yachelwa etsiguramu etsimia munane. Efetsa yosi yebimanulwa yibio yachelwa etsikilo amakhumi kabili natsine natsitaru nende etsiguramu tsimia tsisasaba nochela khubusiro obwahuchil'lwa obwo Muhekalu. 86Tsindaabo tsietsahabu likhumi natsibili nachio chiali ekilo ndala netsiguramu tsimia tsitaru namakhumi kabili ne tsiali nitsitsuyekhwo obwali nochela khubusiro obwahuchil'lwa obwo Muhekalu. 87Emiruko chiosi chiomusango kwokhusambwa chiali etsichulukhi likhumi nachibili, namamiiku likhumi nakabili, nebimeme biomuhika mulala likhumi nabibili, halala nende emisango chiobuswache echihanwanga halala n'natsio; netsikhole etsiomusango kwetsimbi likhumi natsibili. 88Emiruko chiosi chiomusango kwebihanwa biobuhambani chiali etsichulukhi amakhumi kabili natsine, namamiiku amakhumi kasasaba, netsikhole amakhumi kasasaba nebimeme biomuhika mulala amakhumi kasasaba. Bino biali ebihanwa biomukho kwokhuhaana olusambwa khu MWAMI olwa lwali nilumal'le okhutsukhiil'lwakhwo amafura.
89Ne olwa Musa yenjila Mwiheema okhubool'lana no MWAMI, yahulila OMWAMI nal'lomanga n'naye okhurula hekulu wesifuunikho sie Lisanduku lie Indakano, okhurula hakari wabakerubi babili.
Currently Selected:
OBUBALI 7: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
