OBUBALI 6
6
Amalako khuka Banasareti
1OMWAMI yalaka Musa, 2okhuhelesia abandu Baisiraeli amalako kano. Omundu wosi omusaatsa nohomba omukhasi oba niyetsuba esiesuho siokhuba Omunasariti#6:2 Omunasariti Omundu owamanyianga obwehanibwe khu MWAMI okhukhola omulimo kwa Nyasaye khulwokhwesuha mbu aranywakhwo ewaini nohomba amalwa, nohomba okhubekakhwo liswi lilie kata okhutiilakhwo khumulambo tawe. khulwo khwehaana khu MWAMI, 3kho alekhe okhunywa ewaini namalwa kosi. Aranywa ewaini indulu kata amalwa kalul'le, nohomba kata okhunywa khumaatsi kemisabibu, kata okhuliakhwo khumisabibu emibisi nohomba emiomu tawe.#Lk. 1:15 4Amatukhu kosi aka yakhaba naali Omunasariti alekhenje okhuliakhwo khusindu siosi esirula khumusabibu, kata tsimwo nohomba likhoba butswa tawe.
5Mumatukhu kosi akaaba naali musiesuho siokhuba Omunasariti, arakhabekakhwo liswi lilie nohomba tsindefu tsitsie tawe. Ali hasi wesiesuho yisio amatukhu aka yehaana khu MWAMI ne okhwola alekhe liswi nende tsindefu tsitsie bikhule.
6Amatukhu kosi akayehaana khu MWAMI alekhenje okhwesunda ahembi khumulambo kwosi. 7Arebiikha musifwabwi khulwa samwana, nohomba nyina, nohomba omusiani wabwe kata omukhaana wabwe, olwa bakhaba nibafwiye tawe; okhuba obwehaani obwa yehaana khu Nyasaye buli khumurwekwe. 8Mumatukhu kosi akali Omunasariti nomutsienukhu wo MWAMI.
9Liswi lio Munasariti niliakhafwabibwa sichila ali ahembi nende omundu ofwiye bungoyingoyi, okhwola alinde amatukhu kane nakataru kahwe ma abeke liswi khumurwekwe nende tsindefu. 10Ma khwitukhu liamunane yetse nende amakhuulwi kabili nohomba ebituka b'bili imbeli womwesaalisi, hamuliangokwe Liheema liokhubaho khwo MWAMI. 11Kho omwesaalisi alahaana elala singa omusango kwetsimbi ne elindi singa omusango omusambe, khulwo khukhola omulukha kwokhumusiiya okhurula khumusilo kwokhutiila khumufu. Litukhu yilio Omunasariti yetsa okhuhaana liswi khu MWAMI 12niyehaana khandi khu MWAMI amatukhu akayabukula esiesuho. Ma yeetse nelikondi liomuhika mulala, kube omusango kwebirarungwa; ne amatukhu kokhuranga kala siketsa okhubalwa khandi tawe.
13Olwo Munasariti amalanga amatukhu kobwehaani khu MWAMI, akhole omulukha yikwo. Yeetse hamuliangokwe Liheema,#Ebikh. 21:23-24 14ma ahaane emiruko chitaru singa omusangokwe, khu MWAMI: mbu likondi liomuhika mulala elirali nobulema bwosi tawe, libe omusango kwokhusambwa, nende lisibini liomuhika mulala elirali nobulema libe omusango kwetsimbi, nende limiiku elala elirali nobulema bwosi, libe omusango kwobuhambani. 15Khandi ahaane esimwelo siemikaati echiralimwo amamela, namandasi kobusie obunyukhe akachokanibubwe nende amafura komuseituni, nebibisikuti ebibakhilwekhwo amafura, ma ameetakhwo emisango chiobuswache, nende emisango chiewaini echienyekhanga.
16Naye omwesaalisi alabileera imbeli wo MWAMI, ma abihaane singa omusango kwetsimbi nende omusango kwokhusambwa. 17Alahaana limiiku libe omusango kwobuhambani khu MWAMI, halala nesimwelo siemikaati echiralimwo amamela; khandi alahaana omusango kwobuswache nende ewaini. 18Abekele liswi lilie eliahanwa khu MWAMI hamuliangokwe Liheema nabukula liswi yilio liomurwe okwahulwa, nalira mumul'lo okuli hasi womusango kwobuhambani.
19Omwesaalisi naye abukule libeka lielimiiku nilitekhelwe halala neliandasi elala eliralimwo amamela eliomusimwelo, nesibisikuti silala esiralimwo amamela, nabira khubikalo bio Munasariti olwa aba namal'le okhwebeka omurwekwe okwahanwa khu MWAMI. 20Ma omwesaalisi abihaane singa omusango omuchomekhe imbeli wo MWAMI; kuno nomukabwa omutsienukhu kwOmwesaalisi, halala neinyama yokhusilifu nende esilenje sielimiiku esili esiomwesaalisi khulwe lilako. Inyuma we yako, Omunasariti uyo anyala okhunywa ewaini.
21Kano niko amalako ko Munasariti; nebutswa nikakhaba mbu Omunasariti yakhesuha okhuhaana omusango okuyombele akesiesuho sisie simutakhanga okhuhaana, okhwola ahesie esiesuho sisie singa obwo mwene yalaka.
Obusaayi bwabesaalisi bakhoyele okhusaabila abandu tsikhabi
22OMWAMI nabool'la Musa 23abool'le Haruni nende abasianibe okhurumikhila amang'ana kano khulwokhusaayila abandu ba Isiraeli ikhabi:
24OMWAMI akhulaamile ikhabi khandi akhulinde;
25OMWAMI akhubeela tsimbabasi nende esirendasie.
26OMWAMI akhuhenge oluboni, khandi akhuhelesie omulembe.
27Ma OMWAMI naboola mbu “Nibakharala eliira lianje khulwo khulaamila Abaisiraeli tsiikhabi nase nambahelesie tsikhabi.”
Currently Selected:
OBUBALI 6: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
