OBUBALI 5
5
Abandu besifwabwi
1OMWAMI yabool'la Musa mbu, 2“Laka abandu Baisiraeli mbu bahiinie mukambi omundu wosi wobuchele, nohomba oli nokhuratsa khwosi khwomubili, nende omundu wosi owakhaba mumusilo khulwo okhutiila khumufu. 3Mubahinie bosi esioba wekambi kata babe abasaatsa nohomba abakhasi; balekhe okhubiyia ekambi yabwe eya nase menyangamwo nabandu banje.”
4Abaisiraeli bakhola mbwo, ma nibabahiinia bosi esioba wekambi singa OMWAMI yali nabooleye Musa.
Okhurunjibwa khulwobubi obukhol'lwe
5OMWAMI yahelesia Musa#Abal. 6:1-7 6amalako kano khulwa Baisiraeli okhulonda. Olwomundu wosi omusaatsa nohomba omukhasi, abula okhuba omusubilwa khu OMWAMI ma akhol'le owasie obubi, 7okhwola yeyame tsimbi tsitsie etsia akhol'le. Ma akalusie biosi biesikhasie, nameetakhwo esitonye siamakhumi kabili khumia, ma abihaane khu owaba nakholeye obubi. 8Ne oba nakholeywe obubi tsana naba nafwa ne narabbakhwo nomwikho owa ahembi, owakhanyala okhurungwa khulwe esikha, kho ebiesikha tsana bilahanwa khu MWAMI, bibe ebiomwesaalisi. Omurungo yiku kumeetwekhwimiiku khulwokhusiywa khwomundu wesikha. 9Khandi ebihanwa ebia Baisiraeli bahaananga khu MWAMI bibetsenje ebiomwesaalisi obibukulanga okhurula khubo. 10Buli sindu siosi esiomundu wosi ahelesia omwesaalisi sibetsenje esisie.
Amalako khukeimbalikha
11OMWAMI yalaka Musa 12okhuhelesia Abaisiraeli amalako kano. Haundi omusaatsa anyala okhuba neimbalikha khumukhasiwe khulwo khupaala mbu omukhasiwe sali omusubilwa khuye tawe khandi mbu yefwabianga 13khulwo khukona nomusaatsa undi. Nebutswa omusaatsa uyo abule obwatooto sichila omukhasiwe akakholanga masilisi ne abokhukobokhela ling'ana yili nibaraliho, naye siyanyolel'lwa tawe. 14Nohomba haundi omusaatsa anyala okhuba neimbalikha khumukhasiwe, kata omukhasi tsana naralikhwo nesikha siobuheyi tawe. 15Kho omusaatsa uyo atsie nomukhasiwe khumwesaalisi. Yetse nende esihanwa esialakwa khulwo omukhasi, nasio nekilo ndala yobusie bweishayiri; nebutswa aratsukhakhwo amafura, kata okhurakhwo obwali tawe; sichila nomusango kwomusaatsa oli neimbalikha khumukhasiwe okuhanwanga khulwo okhumanyia obwatooto.
16Omwesaalisi yetsa okhuhila omukhasi uyo khulusambwa ma amusinjisie imbeli wolusambwa tsana. 17Omwesaalisi abukule amaatsi amatsienukhu mulutaabo, ma abukulekhwo khulukukhi olwo khubwelu bwe Liheema liokhubaho khwo MWAMI, alure mumaatsi okhukakhola amalulu. 18Omwesaalisi abohol'le liswi liokhumurwe kwomukhasi, nara omusango kwobuswache tsana mumakhono komukhasi. Omwesaalisi are olusalilo mumakhonoke olulikhwo amaatsi amalulu akaleranga esilaamo siobubi. 19Ma omwesaalisi amutsube, nabool'la omukhasi mbu “Omusaatsa wosi naba narakon'ne n'nawe tawe, kata noba norasiamile okhukhola akakhura musifwabwi tawe, noli muburuchi bwomusaatsawo obe omulakhuule musilulu sino esileeranga esilaamo siobubi. 20Nebutswa noba niwasiamile, noli musifwabwi khulwo okhuba nomusaatsa undi orali omusaatsawo, 21OMWAMI aleere esilaamo khuliira lilio mubandu benywe. Khandi OMWAMI alakhutosia lirango nakhusimbia inda. 22Khandi amaatsi amalulu kano akaleeranga esilaamo siobubi kenjile mundayo nikachisimbia nikakhutosia lirango.”
Omukhasi naye akalusie naboole mbu, “Sangangakhwo mbu OMWAMI akhole mbwo.”
23Ma omwesaalisi ahandike ebilaka munwa bino musitapu, nabihinia namaatsi yako nabinjisia mulutaabo lwamaatsi amalulu; 24namunywesia omukhasi amaatsi amalulu tsana akaleeranga esilaamo siobubi, nako kalenjila muye, nako nikamutsuna bululu. 25Ma omwesaalisi abukule omusango kwobuswache yikwo okuli mumukhono kwomukhasi tsana, nakuchela imbeli wo MWAMI, ma akuhaane khulusambwa. 26Ma omwesaalisi afumbare khubusie bwomusango kwobuswache singa esifwanani siakwo, nabusambila khulusambwa. Ma olunyumakhwo anywesie omukhasi amaatsi amalulu yako. 27Ne omukhasi uyo naba nakhol'le akobuheyi tooto, amaatsi yako kalenjila muye nikamutsuna bululu; alasimba inda, imbeliwe nemutsuna butinyu; ma eliiralie liliba esilaka munwa mubandu babwe. 28Nebutswa omukhasi uyo naba narakhol'le obuheyi tawe, ne narali nesikha, kho salasalila tawe, ne alabelekha niyebula abaana. 29Kano niko amalako kokhurumikhilwa khumukhasi owakhaba nakhol'le obuheyi ma yefwabie, 30khandi olwomusaatsawe yakhahambwa neimbalikha ma apaale mbu omukhasiwe ukhol'le obuheyi. Omukhasi uyo alasinjisibwa imbeli wolusambwa ma omwesaalisi amukhol'le amalako kokhusiiywa kano kosi.
31Omusaatsa siali nesikha siosi tawe; nebutswa omukhasi naba nanyoolekha nesikha okhwola yetukhe esinyasio siesikha omwene.
Currently Selected:
OBUBALI 5: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
