OBUBALI 33
33
Oluchendo lwokhurula Emisiri okhutsia Moabu
1Kano namera aka buli habundu aha Abaisiraeli bakhomanga ekambi olwa bali nibarul'le musibala sie Misiri okhulondokhana netsimbia tsiabwe hasi hobwemeli bwa Musa nende Haruni. 2Ne Musa yahandikanga hasi eliira elia buli habundu buli lwosi olwa bakhomanga ekambi singa obwo MWAMI yali namulachile.
3Abandu ba Isiraeli barula Emisiri khwitukhu lielikhumi nakharano khumwesi kwokhuranga khumuhika, khwitukhu elialonda litukhu lie Epasaka yokhuranga. Hasi hobulindi bwo MWAMI barula neinjinia, Abaamisiri bosi nibabalolanga 4olwa Abaamisiri bali nibayabilanga abekulanda babwe bosi, abo MWAMI yali niyeer're mubo. Mukhukhola yaka, OMWAMI yamanyia mbu ali nobunyali obukali okhuyomba abanyasaye ba Bamisiri.
5Abandu ba Isiraeli bachenda okhurula Ramase, nibakhoma ekambi yabwe Sukotsi. 6Barula Sukotsi ma nibakhoma ekambi yabwe Etsamu, litaala elili khundulo khwesitsiimi. 7Barula Etamu, nibakalukha inyuma okhwola Pi Hahirotsi, elili ebukwe wa Baali Sefoni, ma nibakhoma ekambi ahembi Mikidoli. 8Barula Pi Hahirotsi, nibabir'ra Munyanza Inzakhanyu, nibenjila musitsiimi sia Shuru; nibatsia oluchendo lwamatukhu kataru musitsiimi sia Etsamu, ma nikhoma ekambi yabwe Mara. 9Barula Mara niboola Elimu ma nibakhomayo ekambi yabwe sichila ebwene y'yo ebitaho biamaatsi bialiho likhumi nabibili halala nemisaala chiamasindu amakhumi kane nakataru. 10Barula Elimu, nibakhoma ekambi ahembi ne Inyanza Inzakhanyu. 11Barula khu Nyanza Inzakhanyu, nibakhoma ekambi musitsiimi sia Sini. 12Barula musitsiimi sia Sini, nibakhoma ekambi Tofuka. 13Barula Tofuka nibakhoma ekambi Alushi. 14Barula Alushi, nibakhoma ekambi Refidimu, ahamaatsi karaliho akabandu okhunywa. 15Barula Refidimu, nibakhoma ekambi musitsiimi sia Sinai. 16Barula musitsiimi sia Sinai, nibakhoma ekambi Kiburotsi Hatawa. 17Barula Kiburotsi Hatawa, nibakhoma ekambi Haserotsi. 18Barula Haserotsi, nibakhoma ekambi Ritsima. 19Barula Ritsima, nibakhoma ekambi Rimoni Peresi. 20Barula Rimoni Peresi, nibakhoma ekambi Libina. 21Barula Libina, nibakhoma ekambi Risa. 22Barula Risa, nibakhoma ekambi Kehelatsa. 23Barula Kehelatsa, nibakhoma ekambi musikulu sia Seferi. 24Barula Sheferi, nibakhoma ekambi Harada. 25Barula Harada, nibakhoma ekambi Makelotsi. 26Barula Makelotsi, nibakhoma ekambi Tahatsi. 27Barula Tahatsi, nibakhoma ekambi Tera. 28Barula Tera, nibakhoma ekambi Mitsika. 29Nibarula Mitsika, nibakhoma ekambi Hashimona. 30Barula Hashimona, nibakhoma ekambi Moserotsi. 31Barula Moserotsi, nibakhoma ekambi Bene Yakani. 32Barula Bene Yakani, nibakhoma ekambi Hori Hakidikadi. 33Barula Hori Hakidikadi, nibakhoma ekambi Yotibatsa. 34Barula Yotibatsa, nibakhoma ekambi Abirona, 35Barula Abirona, nibakhoma ekambi Esioni Keberi, 36Barula Esioni Keberi, nibakhoma ekambi musitsiimi sia Sini, nisio Kadeshi. 37Barula Kadeshi, nibakhoma ekambi musikulu sia Hori, khundulo khwesibala sia Edomu.
38Ne Haruni omwesaalisi yaniina natsia khusikulu sia Hori singa OMWAMI yali niyalaka, ma nafwilayo, mumuhika kwamakhumi kane olunyuma olwabandu ba Isiraeli bali nibarul'le musibala sie Misiri, khwitukhu liokhuranga khumwesi kwakharano.#Obub. 20:22-28; Okhuka. 10:6; 32:50 39Ne Haruni yali owemihika emia ndala namakhumi kabili nachitaru olwa yafwila khusikulu sia Hori.
40Omuruchi wa Aradi, owamenya enandete wesibala sia Kanaani yahul'la mbu Abaisiraeli bali khuluchendo betsanga.#Obub. 21:1
41Nabo nibarula hasikulu sia Hori, nibakhoma ekambi yabwe Salamona. 42Barula Salamona, nibakhoma ekambi Punoni. 43Barula Punoni, nibakhoma ekambi Obotsi. 44Barula Obotsi, nibakhoma ekambi Iye Abarimu, musibala sia Moabu, 45Nibarula Iyimu Abarimu, nibakhoma ekambi Diboni Kadi. 46Barula Diboni Kadi, nibakhoma ekambi Alumoni Dibulatsaimu. 47Barula Alumoni Dibulatsaimu, nibakhoma ekambi mubikulu bia Abarimu, ebili ahembi nende esikulu sia Nebo. 48Barula mubikulu bia Abarimu, nibakhoma ekambi musipaapi sia Moabu, ahembi Yorodani injelekha wa Yeriko. 49Bakhupa ekambi yabwe ahembi Yorodani, okhurula Betai Yesimotsi okhwola Abeli Shitimu musipaapi sia Moabu.
Amalako akabahebwa nibasili okhukhalania Yorodani
50Olwa bali nibasili musipaapi sia Moabu ahembi injelekha wa Yeriko, OMWAMI yahelesia Musa 51amalako kano khulwa Baisiraeli okhulonda. “Olwa mwitsa okhwambukha Yorodani nimwinjila musibala sia Kanaani, 52okhwola mukhunge abandu abamenyanga musibala yisio bosi. Mwononie abanyasaye babwe ababaatswa khumachina nende khubibia nimulikul'la habundu wabwe hokhwekayakayila. 53Ne mubukule esibala siabwe nimumenyamwo; okhuba ninywe abambetsanga esibala yisio sibe esienywe. 54Mwarane esibala okhulondokhana netsimbia nende ebilibwa munjila yokhukhupa imbulu. Khubali abenji, mubahelesie obulaame obwinji; ne khubali abati mubahelesie obulaame buti; ahe imbulu emukwila omundu, yaho habe habunduwe.#Obub. 26:54-56 55Ne nimuba nimulekha okhukhunga abandu abamenyanga musibala yisio kho yabo aba mulalekha basikale balaba singa lihwa musilenje sienywe, khandi singa esimemu mumoni mwenywe; ne balamulwananga musibala esia namumenyemwo. 56Nimurabbakhunga, kho ndakhamumume inywe singa obwa ndaloosia okhubakhol'labo.”
Currently Selected:
OBUBALI 33: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
