OBUBALI 29
29
Ebihanwa bie Lisabo lio Muhika Omuhia
(Abal. 23:23-25)
1Khwitukhu liokhuranga, mumwesi kwakhane nakhataru, mubukaane halala khulwo okhwekayakaya, ne murakholakhwo omulimo kwosi tawe. Khwitukhu yilio mukhupe tsinzika. 2Muhaane khu MWAMI omusango omusambe kube omwayo omulahi khuye; mbu ehunwa ndala nelimiiku elala, nebimeme biomuhika mulala bine nabitaru, sila obulema bwosi. 3Halala nomusango yikwo, muhaane omusango kwobuswache okwobusie obunyukhe obutsokelemwo amafura, etsikilo tsitaru tsiobusie tsihanwe halala nehunwa, ne etsikilo tsibili tsihanwe halala nelimiiku, 4ne ekilo ndala ehanwe halala nende buli esimeme silala. 5Khandi muhaane ekhole ndala khulwo omusango kwetsimbi ma munjila yiyi mukhole omulukha kwokhusiiya abandu. 6Muhaane yibi biosi halala nomusango omusambe kwokhulaba khwomwesi, nende omusango kwakwo kwobuswache, nende omusango omusambe okwa bulitukhu, halala nomusango kwakwo kwobuswache, nende emisango chiachio chiewaini. Ebihanwa biebiokhulia yibi nomwayo omulahi okuyanzisianga OMWAMI.
Ebihanwa khwitukhu liesitiso
(Abal. 23:26-32)
7Ne khwitukhu lielikhumi liomumwesi yikwo okwakhane nakhataru, mwebunjikhe khandi khulwo okhwekayakaya. Muraliakhwo ebiliibwa biosi, kata okhukholakhwo omulimo kwosi tawe.#Abal. 16:29-34 8Ne muhaane khu MWAMI omusango omusambe kube omwayo omulahi okumuyanzisianga. Muhaane ehunwa ndala, nelimiiku elala, nebimeme biomuhika mulala bine nabitaru; sila obulema bwosi. 9Halala nomusango yikwo muhaane omusango kwobuswache, okwobusie obunyukhe obutsokelemwo amafura, etsikilo tsitaru tsihanwe halala nehunwa, etsikilo tsibili tsihanwe halala nelimiiku, 10ne ekilo ndala ehanwe halala nende buli esimeme siomuhika mulala silala.
11Khandi muhaane imbusi ekhole ndala khulwo omusango kwetsimbi ma munjila yiyi mukhole omulukha kwakhusiya abandu halala nomusango omusambe kwa bulitukhu, nende omusango kwobuswache, nende omusango kwewaini.
Ebihanwa bie Lisabo lia Mahindu
(Abal. 23:33-44)
12Khwitukhu lielikhumi nakharano mumwesi kwakhane nakhataru mwebunjikhe halala khulwo okhwekayakaya. Murakholakhwo omulimo kwosi tawe, nebutswa mukhol'le OMWAMI lisabo amatukhu kane nakataru. 13Khwitukhu liokhuranga muhaane omusango kwebiokhulia khu MWAMI okwomwayo kwakwo kumuyanzisianga. Muhaane etsihunwa likhumi natsitaru, namamiiku kabili, nebimeme biomuhika mulala likhumi nabine, sila obulema bwosi. 14Halala nomusango yikwo, muhaane omusango kwobuswache, mbu obusie obunyukhe obutsokelemwo amafura, etsikilo tsitaru tsiobusie tsihanwe halala nende buli ehunwa ndala, etsikilo tsibili etsiobusie tsihanwe halala nende buli limiiku elala. 15Ne ekilo ndala ehanwe halala nende buli esimeme siomuhika mulala silala, ne bihanwe halala nomusango kwewaini okwahuchil'lwa. 16Khandi muhaane imbusi ekhole ndala khulwo omusango kwetsimbi; halala nomusango omusambe okwa bulitukhu, halala nende omusango kwobuswache, khandi nende nomusango kwewaini.
17Ne khwitukhu liakhabili muhaane etsihunwa likhumi natsibili, namamiiku kabili nebimeme biomuhika mulala likhumi nabine sila obulema bwosi. 18Halala nomusango yikwo muhaane omusango kwobuswache, nemisango chiabio echiewaini, khulwe etsihunwa, namamiiku, khandi khulwa ebimeme okhulondokhana nobwinji bwabio, singa obwa kalakwa. 19Khandi muhaane imbusi ekhole ndala khulwo omusango kwetsimbi; halala nomusango omusambe kwabulitukhu, nende omusango kwobuswache, nomusango kwewaini.
20Ne khwitukhu liakhataru muhaane etsihunwa likhumi nandala, namamiiku kabili nebimeme biomuhika mulala likhumi nabine sila obulema bwosi. 21Halala nomusango yikwo, muhaane omusango kwobuswache, nomusango kwewaini khulwe etsihunwa, namamiiku, khandi khulwe bimeme okhulondokhana nende obwinji bwabio, singa kalakwa. 22Khandi muhaane ekhole ndala khulwo omusango kwetsimbi; halala nomusango omusambe kwa bulitukhu, nende omusango kwobuswache, nomusango kwewaini.
23Ne khwitukhu liakhane, muhaane etsihunwa likhumi, namamiiku kabili, nebimeme biomuhika mulala likhumi nabine sila obulema bwosi. 24Halala nomusango yikwo muhaane omusango kwobuswache, nomusango kwewaini khulwe etsihunwa, namamiiku, khandi khulwe bimeme okhulondokhana nobwinji bwabio, singa obwa kalakwa. 25Khandi muhaane imbusi ekhole ndala khulwo omusango kwetsimbi, halala nomusango omusambe kwa bulitukhu, nende omusango kwobuswache, nomusango kwewaini.
26Ne khwitukhu liakharano muhaane etsihunwa tsirano nachine namamiiku kabili, nebimeme biomuhika mulala likhumi nabine sila obulema bwosi. 27Halala nomusango yikwo muhaane omusango kwobuswache, nomusango kwewaini khulwe etsihunwa namamiiku, khandi khulwe ebimeme okhulondokhana nende obwinji bwabio, singa obwa kalakwa. 28Khandi muhaane imbusi ekhole ndala khulwo omusango kwetsimbi, halala nomusango omusambe kwa bulitukhu, nende omusango kwobuswache, nomusango kwewaini.
29Ne khwitukhu liakhasasaba muhaane etsihunwa munane, namamiiku kabili nebimeme biomuhika mulala likhumi nabine sila obulema bwosi. 30Halala nomusango yikwo muhaane omusango kwobuswache, nende omusango kwewaini khulwe etsihunwa, namamiiku, khandi khulwebimeme okhulondokhana nende obwinji bwabio, singa obwa kalakwa. 31Khandi muhaane imbusi ekhole ndala khulwo omusango kwetsimbi; halala nomusango omusambe kwa bulitukhu nende omusango kwobuswache; nomusango kwewaini.
32Ne khwitukhu liakhane nakhataru muhaane etsihunwa tsine natsitaru, namamiiku kabili nebimeme biomuhika mulala likhumi nabine sila obutema bwosi. 33Halala nomusango yikwo muhaane omusango kwobuswache, nomusango kwewaini khulwe etsihunwa, namamiiku, khandi khulwebimeme okhulondokhana nende obwinji bwabio, singa obwa kalakwa. 34Khandi muhaane imbusi ekhole ndala khulwo omusango kwetsimbi; halala nomusango omusambe kwa bulitukhu, nende omusango kwobuswache, nomusango kwewaini.
35Khwitukhu liamunane mwebunjikhe halala khulwo okhwekayakaya ne murakholakhwo omulimo kwosi tawe. 36Muhaane omusango omusambe singa esihanwa siebiokhulia ebiomwayo omulahi khu MWAMI. Muhaane ehunwa ndala, nelimiiku elala, nebimeme biomuhika mulala bine nabitaru sila obulema bwosi. 37Halala nomusango yikwo, muhaane omusango kwobuswache, nomusango kwewaini khulwe ehunwa, nelimiiku, khandi khulwebimeme okhulondokhana nende obwinji bwabio, singa obwa kalakwa. 38Khandi muhaane ikhole ndala khulwa omusango kwetsimbi; halala nomusango omusambe kwa bulitukhu, nende omusango kwobuswache, nomusango kwewaini.
39Muhan'nenje OMWAMI yibio biosi mumasabo kenywe, halala nende ebiesuho bienywe, nebihanwa bienywe ebiokhwehaana, khulwe emisango chienywe chiokhusambwa, nemisango chienywe chiobuswache, nemisango chienywe chiewaini khandi khulwe emisango chienywe chiobuhambani.
40Musa nabool'la abandu ba Isiraeli amang'ana kosi ako MWAMI yamulaka aboole.
Currently Selected:
OBUBALI 29: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
