OBUBALI 26
26
Okhubalwa khwakhabili
1Ne olwolumbe olwali okhwira abandu, lwali nilulekhele okhubeera, OMWAMI yabool'la Musa nende Eliasa omwana wa Haruni omwesaalisi mbu,#Obub. 1:1-46 2“Mubale omukanda kwosi kwabandu ba Isiraeli abasaatsa, okhurula khubemihika amakhumi kabili okhutsia ikulu; mubilibwa biabwe, bosi abahel'le khulwana lihe mu Isiraeli.” 3Abaisiraeli bali nibakhomele ekambi yabwe musipaazi sia Moabu ahembi nomuchela kwa Yorodani injelekha wa Yeriko Musa nende Eliasa omwesaalisi babool'la abandu ako MWAMI yali nababooleye 4ma nibalanga abandu halala abali abemihika yitsio. Yali okhubabala singa butswa yali nakhol'le. Olwa Abaisiraeli abali nibarul'le musibala sie Emisiri. 5Abolwibulo lwa Rubeni omwana wa Yakobo owokhuranga ebilibwa bia Rubeni biali: Hanoki, Palu, 6Hesironi, nende Karimi. 7Ebilibwa yibio biali nabandu etsielefu amakhumi kane natsitaru, tsimia tsine natsitaru namakhumi kataru. 8Ne omusiani wa Palu yalangwa Eliabu, 9ne abaana ba Eliabu bali, Nemueli#26:9 Nemueli Mu Okhuchiaka 46:10 nende Okhurula 6:15 alangwa mbu Yemueli., Datsani, nende Abiramu. Yabo nibo Datsani na Abiramu, abemeli abelwa nomukanda. Bahingana nende Musa nende Haruni ma nibeyonga mumukanda kwa Kora, olwa bakhol'la Nyasaye induli. 10Liloba liekukha ma nilibamila, ne bali okhufwa halala nende Kora nomukanda kukwe, olwomul'lo kwamulula abandu etsimia tsibili namakhumi karano, ma nibaba lichetsiyio khubandu. 11Nebutswa abaana ba Kora sibafwa tawe.
12Ebilibwa biolwibulo lwa Simioni biali Nemueli, Yamini, Yakini, 13Sera, nende Shuali. 14Yibio nibio ebilibwa bia Simioni, abandu etsielefu amakhumi kabili natsibili netsimia tsibili.
15Ebilibwa biolwibulo lwa Gadi biali: Sefoni, Hagi, Shuni, 16Osini, Eri, 17Arodi, Areli. 18Ebilibwa biali nabandu etsielefu amakhumi kane netsimia tsirano.
19Ebilibwa biolwibulo lwa Yuda biali Eri nende Onani. Ne Eri nende Onani bafwila musibala sia Kanaani. 20Ne abaana ba Yuda bandi mubilibwa biabwe bali Shela, Peresi, Sera, 21Hesironi, nende Hamuli. 22Abandu bosi abebilibwa bia Yuda bali etsielefu amakhumi kane nakataru natsisasaba netsimia tsirano.
23Abolwibulo lwa Isakari mubilibwa biabwe bali: Tola, Puwa, 24Yashubu, nende Shimironi. 25Abandu bebilibwa bia Isakari, bali etsielefu amakhumi kasasaba natsine netsimia tsitaru.
26Abolwibulo lwa Sabuloni mubilibwa biabwe bali: Seredi, Eloni, nende Yaleeli. 27Abandu bosi abebilibwa bia Sabuloni, bali etsielefu amakhumi kasasaba tsimia tsirano.
28Olwibulo lwa Yosefu owali samwana Manase nende Efuraimu abasiani babili. 29Abolwibulo lwa ba Manase mubilibwa biabwe bali: Makiri, ne Makiri yeebula Gileadi; 30Abaana ba Gileadi mbabano; Yeseri#26:30 Yeseri Mu Yosh. 17:2 mbu Abieseri., Heleki, 31Asirieli, Shekemu, 32Shemida, nende Heferi. 33Ne Selofehadi omwana wa Heferi siyali no mwana omusiani wosi tawe, habula abakhaana bonyene; ne amera kabakhaana ba Selofehadi ngakano mbu: Mala, Noa, Hokila, Milika nende Tirisa. 34Abandu bosi abebilibwa bia Manase bali etsielefu amakhumi karano natsibili tsimia tsine natsitaru.
35Abolwibulo lwa Efuraimu mubilibwa biabwe bali: Shutsela, Bekeri, nende Tahani. 36Shutsela yali samwana Erani. 37Abandu bosi abebilibwa biolwibulo lwa Efuraimu bali etsielefu amakhumi kataru natsibili netsimia tsirano. Yibio nibio ebilibwa biabaana ba Yosefu.
38Abolwibulo lwa Benjameni mubilibwa biabwe bali: Bela, Ashibeli, Ahiramu, 39Shefufamu, nende Hufamu. 40Ne ebilibwa bia Aridi nende Naamani biarul'la mulwibulo lwa Bela. 41Abandu bosi abebilibwa bia Benjameni bali etsielefu amakhumi kane natsirano netsimia tsisasaba.
42Abolwibulo lwa Dani mubilibwa biabwe bali: Shuhamu, 43bosi abesilibwa sia Dani bali etsielefu amakhumi kasasaba natsine netsimia tsine.
44Abolwibulo lwa Asheri mubilibwa biabwe bali Imina, Ishiwi, nende Beria. 45Abesilibwa sia Heberi, nende abesilibwa sia Malakieli, barulanga mulwibulo lwa Beria. 46Ne Asheri yali nomukhaana olangwanga Sera. 47Abandu bosi khubebilibwa yibio bali etsielefu amakhumi karano natsitaru netsimia tsine.
48Abolwibulo lwa Nafutali mubilibwa biabwe bali Yeseeli, Kuni, 49Yeseri, nende Shilemu. 50Abandu bosi khubilibwa bali etsielefu amakhumi kane natsirano netsimia tsine.
51Abasaatsa bosi ababalwa mu Baisiraeli bali etsielefu tsimia tsisasaba nandala netsimia tsine natsitaru namakhumi kataru.
52Ma OMWAMI nabool'la Musa mbu,#Obub. 34:13; Yosh. 14:1-2 53“Okabul'le abetsinzibulo esibala okhulondekhana nende obwinji bwa buli olwibulo. 54Khulwibulo lwabandu abenji, obahelesie obulaame obwinji; ne khulwibulo olutu, obahelesia obulaame obuti; buli lwibulo luhebwe obulaame okhulondokhana nende obwinji bwabandube balwo. 55Nebutswa esibala sikabulwe khulwo okhukhupilwa imbulu. Obulaame bwabuli olwibulo lunyoola buhanwe okhulondokhana namera akolwibulo tsana. 56Obulaame bwabwe bulakabulwa khulwo khukhupilwa imbulu hakari wabandu abenji khubali abatu.”
57Olwibulo lwa Lawi lwalimwo ebilibwa bia Gerishoni, Kohatsi, nende Merari. 58Abolwibulo lwabwe balimwo nende ebilibwa bitititi ebia: Libini, Heburoni, Mali, Mushi, nende Kora. Ne Kohatsi yali samwana Amuramu. 59Ne eliira liomukhasi wa Amuramu liali Yokebedi, omukhaana wa Lawi, owa Lawi yeebul'la Emisiri. Ne yebul'la Amuramu abasiani babili Haruni nende Musa nende Miriamu omukhaana wabwe. 60Haruni yali nabasiani bane: Nadabu, Abihu, Eliasa nende Itsamari.#Obub. 3:2 61Nabo Nadabu nende Abihu nibafwa olwa bahaana omul'lo okurali omutsienukhu khu MWAMI.#Abal. 10:1-2; Obub. 3:4 62Abasaatsa mu Balawi abomwesi mulala nende abayomba yaho bosi halala bali etsielefu amakhumi kabili natsitaru. Sibabal'lwa mubandu ba Isiraeli bandi tawe sichila sibanyoolakhwo obulaame bwosi mu Isiraeli tawe.
63Yabo bosi nibo abebilibwa ebia Musa nende Eliasa omwesaalisi babala olwa babala abandu ba Isiraeli musipaapi sia Moabu, ahembi Yorodani injelekha wa Yeriko. 64Nebutswa siyalikhwoho omundu wosi owali niyasikala muyabo aba Musa nende Haruni omwesaalisi babasia mukhubalwa khwokhuranga olwa bali musitsiimi sia Sinai tawe. 65OMWAMI yali niyaboola mbu bosi bakhafwile musitsiimi narali Kalebu omusiani wa Yefune nende Yoshwa omusiani wa Nuni bonyene.#Obub. 14:26-35
Currently Selected:
OBUBALI 26: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
