OBUBALI 12

Miriamu anyoola esinyasio khulwo khutsekula Musa

1Miriamu nende Haruni batsekula Musa khulwo okhuteesia omukhaana Omukushi#12:1 Omukushi Mbu Omuetsopia nohomba Omumidiani.. 2Nibaboola mbu, “Akhali Musa yenyene owo MWAMI yal'lomelamwo noho? Siyal'lomela mu ifwe khandi?” OMWAMI naye nahulila akababoola. ( 3Ne Musa uyo yali omuhooma okhuyomba abandu bosi abali musibala.)

4Nonoho OMWAMI yabool'la Musa Haruni, na Miriamu mbu! “Inywe mwesi bataru rule mwitse Mwiheema liokhubaho khwanje.” Kho bosi bataru nibarula nibatsia, 5ma OMWAMI niyeekhela mwilumbesi eliesiilo okhwitsa hasi, nasinjila mubwinjil'lo bwe Liheema, nalanga Haruni nende Miriamu. Nabo babili nibesunda hambeli; 6ne OMWAMI nababool'la mbu, “Luno muhulile akanzia khuboola! Olwa abaroobi babetsanga mwinywe, Ise ndolekhanga khubo mumabisulo, ma n'noma n'nabo mumalooro. 7Kabukhan'ne singa obwe ise n'nomanga khumurumikhili wanje Musa! Ise ndamukhola okhuba omulindi wabandu banje bosi ba Isiraeli.#Heb. 3:2 8Ye n'nomanga n'naye moni namoni habulafu, tawe mutsingano; ye kata walola likondo lianje. Mukhol'le mbwena nimutsekula omurumikhili wanje Musa?”

9OMWAMI yali nelirima n'nabo: ne olwa yarula khubo, 10lilumbesi nalio liarula hekulu we Liheema, nonoho Miriamu naba owobuchele, ne nalaba singa etsaluchi; olwa Haruni yahenga nalola mbu Miriamu yali nakwiye owobuchele, 11Haruni nabool'la Musa mbu, “E omwami wanje orakhuha esinyasio khulwo obwoni buno tawe, okhuba khukhol'le tsimbi tsiobusilu. 12Khusaaya mbu oralekha Miriamu afwane singa omwana wibuywe nafwiye owomubili kukwe kubol'le elubeka tawe.”

13Ma Musa namulakayila OMWAMI naboola mbu, “E OMWAMI, khusaayanga omuhonie!”

14OMWAMI nabool'la Musa mbu, “Samwana alaba niyamufutsila amare mumoni, khane siyakhabeye nes'simba murwe khulwa amatukhu kane nakataru? Yekal'lwe esioba wekambi amatukhu kane nakataru; ma olunyuma lwako akabusibwe mukambi.”#Obub. 5:2-3 15Kho Miriamu yeekal'lwa esioba wekambi amatukhu kane nakataru; abandu sibachitsachil'la noluchendo tawe, okhwola olwa Miriamu yali niyenjisibubwe mukambi. 16Ma olunyumakhwo abandu nibarula Haserotsi nibatsia nibakhupa ekambi musitsiimi sia Parani.

Currently Selected:

OBUBALI 12: EBAIBO

Highlight

Copy

Compare