Kem Lingón 47
47
Lingón yó kem sfu Kura
1Hol ye hligal dé, yu kem kdéen tau,
sendofì ye hólól ye.
Hol dóyón ye Dwata hlan ye bè yóm tey kesngal ye.
2Yóm Dwata gónó tekuy mogot,
du se hol dandónen geta bè kdéen,
yake hol wen klikò tekuy du.
Du se yóm hol dandónen geta kmamal yóm klamangen.
3Deng hegmoen tekuy bè yó kem dumu tau,
ne henbalingen tekuy tau mò mogot kul.
4Deng néléken bélê tekuy yóm benwu gónó tekuy nô.
Hlós hfunen tekuy kem tau kenbong nawahen yóm benwu yó,
ne tey kehyu nawa tekuy mfun du.
5Bè yóm kotun Dwata ebè yóm gónón myón kmamal,
tey hensag tau lemwót bè kligal le,
mung du yó kem tey uni féw.
6Hol sngal tekuy yóm sngal dmóyón ke Dwata.
Hol tekuy semngal ebè yóm tau dandónen geta mogot tekuy.
7Du se hol dandónen geta bè klamangen benwu.
Hol dóyón tekuy mlan bè yó kem sngal.
8Eles gel myón bè yó Dwata
bè yóm gónón gel myón kmamal yóm klamangen benwu.
9Gotu le stifun yó kem dumu tau hol geta mogot benwu,
mung le bélê tekuy kem kun tau Dwata,
yóm Dwata tehe Abraham.
Dwata se hol geta senta yóm kdê tau mogot benwu.
Laen kô dù bud geta sentahen.
Currently Selected:
Kem Lingón 47: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
