Kem Lingón 4
4
Lingón Dabid
1Ó Dwata yóm gel mfi dou.
Hol bnalaem ou bè yóm ktabahu ebéléem.
Kóhem dou yóm gónón sidek kegnómu du.
Hol knoduhem ou, ne hnungolem dou yóm hnihu.
2Yu kem tau hmohon dou, kmò kegenen de yóm tendo kudél ye sidek etahu?
Kegenen de yóm tendo ktifù ye dou là tahuhen?
Kegenen de yóm tendo kmò ye kéng?
3Ni hol hendem ye.
Deng eles hetfing Dwata mò kun yóm tau tedeng kmoen.
Ke tmabahe ebéléen, hnungolen ou.
4Béi hegsalà mlan bè kebutem.
Nahem gel hendem suloy buteng, béi tagad mudél.
5Snaligem Dwata, ne dsuem yó kem dsù hyu.
6Tey dê tau mon du,
“Wen kô gembek mò du bélê me yóm hyu?”
Ó Dwata, hegfanem bélê me yóm tey kehyuhem.
7Wen tey kligal blayem dou mkay senta kligal yó kem tau bong halay tbas le ne bong tifas grép le.
8Tey menek kegnómu du ke gele lemwót tungô,
yakà tek són uu, Dwata, gónón laen dù hemenu bè yóm ktungóu.
Currently Selected:
Kem Lingón 4: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
