Kem Lingón 3
3
Lingón Dabid yóm kdaw tehe kehlóyen ke Absalum
1Ó Dwata, tey dê yó kem hohonu,
tey le dê yó kem tau kmutó nawa dou.
2Tey kwen le mudél etahu, mon le,
“Là kô lenwà Dwata du yóm tau yó.”
3Okóm, Dwata, uu se kemlung hmilol dou,
uu se hegmò dou, bud uu se tendo hfól nawahu.
4Denge hkodu bè Dwata,
ne kendel bnalaen ou lemwót ditu bè yóm bulul gónóhen gel nô.
5Lemwót bè yóm kofin Dwata dou gónón tilob ktungóu.
Ne bè yóm kebtiku, laen kô dù hemenu.
6Bè yóm sfolò libu kem hohonu semibut dou, là kóe na a likò kul.
7Géhéli Dwata yóm Dwata hol gónóhu mogot, hol lenwaem ou.
Hol tnafakem lu yó kem hohonu.
Kóhem bélê le yóm kgis le hemsidek dou.
8Són béléem se, Dwata, gónón lemwót yóm kegmò me bè yó kem hohon me.
Dwata he hol tmóbóng yó kem kóm tau.
Currently Selected:
Kem Lingón 3: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
