Kehedem Tau Tmolok 9
9
9Holi hligal smomong du yóm yehenem kenbong nawahem bè yóm klawihem mowil bè yóm klowil laen dù gónón e kól deng blay Dwata kóm lem nim benwu ni. Deng blay Dwata kóm yóm yehenem mò ofolem bè kdê yó kem deng lenitegem dini talak tonok. 10Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.
11Bud wen sotu tonu talak tonok. Yóm tau alì hlóng mlóy, là kô du du yóm gel gemmò bè skuya. Ne yóm sendalù alì kemgis, là kô du du yóm gel gemmò bè gida. Yóm tau alì hulung hedem, là kô du du yóm gel wen klowilen. Ne yóm tau wen kenhulungen, là kô du du yóm gel wen kendengenen. Ne yó kem tau alì wen hennagì le là kô són lu du yóm wen gónón e kól klowil le. Abay se tódô sut bè ket tau yóm kun bagì.
12Là kô tngón tau du yóm kdaw ksut yóm sidek. Lómón yóm utón bkó huket, ne yóm onuk koyu bkó tébéd, lómón yó se kmoen yóm tau, là kô tngónen du yóm kwen sidek sut béléem.
Là gomongen bè nili yóm tsaptér 9 bérs 13 kól bè tsaptér 10. Yó tulónen bè ni yóm kmò yóm tau hulung hedem ne yóm tau book. Yóm tau élél hulung hedem gbeken lemwà benwuhen, okóm kogolen bè yó, laen dù bud tau hemdem du. Yóm kganag kudél yóm tau hulung hedem, hyu senta kehetê yóm tau hol geta book, ne yóm kehedem yóm tau hulung hedem mit du tedeng, ne yóm kehedem yóm tau book mit du mò sidek.
Wen se kem dumu tulónen bè ni hono wen hnigaden gbak ebè yóm tau book ne tau mduk.
Yó gónóm mon, tey bong muhen yóm khulung hedem senta yóm kgis.
Là gomongen bè nili yóm tsaptér 10. Yó tulónen bè ni yóm kul kehedem yó kem tau nungel.
Currently Selected:
Kehedem Tau Tmolok 9: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
