1 Tutul Israél 23
23
Kul nmò yó kem sfu Libay
1Timbow deng tuha Dabid, nmoen Selumun yóm ngaen mò kmamal bè Israél. 2Gotu sentifun Dabid yóm kdéen malak bè Israél ne yó kem tau gel blóng ebè Dwata, dalang se yó kem sfu Libay. 3Tódô kdê yó kem sfu Libay deng tlu folò halay le efet kól eta, gotu hsóhen, ne yó kwen le botong tlu folò wolu libu logi. 4Yó mon Dabid mò kul, “Bè ni kem sfu Libay ni, lewu folò fat libu bélê le mò fen mogot yó kem nmò lem yóm Gónô Dwata. Yóm nem libu mò fen genlal ne mò fen kmukum. 5Yóm fat libu mò mentey bè bak tikeb yóm Gónô Dwata, ne yóm dù fat libu, yó kul nmò fen semngal yóm sngal dmóyón ke Dwata hmung le bè yó kem gel nuni deng hmou.” 6Omin Dabid mólól kul bè tlu bung yó kem sfu Libay yó, oloen bè tbong yóm tlu kem ngà Libay logi boluy le Gérsum, Kuhat ne Mirari.
Là gomongen bè nili yóm tsaptér 23:7 efet kól bè tsaptér 27:34. Yó tulónen lem ni kem tsaptér ni yóm boluy yó kem sfu Libay, ne boluy yó kem tau gel blóng ebè Dwata, ne boluy yó kem tau hulung mò sngal hmung le bè yó kem dê gel nuni le, ne boluy yó kem tau mentey bè bak tikeb yóm Gónô Dwata, ne boluy yó kem kmandér bè yó kem sendalù, ne boluy yó kem tau genlal Dabid bè yó bè Israél.
Currently Selected:
1 Tutul Israél 23: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
