YO"EL 1
1
1Jetoh auh peteh Tuhan akan Yoël, anak Petuel.
Ungkup Israel kapehe atei awi hasil tana lepah kinan sangkalap
2Hining, o kare pamimpin Israel;
seneh, uras oloh hong Yuda.
En puji taloh kalotoh manjadi hong jaman keton,
atawa intu jaman tato hiang keton?
3Keleh manyarita kajadian te akan kare anak keton;
mangat ewen manyampaie tinai akan kare anak ewen sarita te.
Turonan je rahian musti mahininge kea,
tuntang manyampaie akan turonan je rahian tinai.
4Kawan sangkalap je dia taraise karee,
tingkep intu kare tana tuntang kuman hasil jete.
Taloh je inisa awi kawan sangkalap toh,
impalepah awi kawan je beken tinai.
5O kare oloh pambusau, keleh misik!
O kare oloh pamihop, keleh manangis!
Basa anggor je taheta
jari irabut bara nyamam.
6 #
Pang. 9:8
Agas sangkalap manyarang lewun itah;
ewen abas tuntang dia taraise karee,
kasingae sama kilau kanyihin taring singa bawi.
7Ewen mampalomos batang anggor itah,
tuntang batang ara baya batisa tunggule.
Ewen mangupak kare batange,
sampai kare patinge malenak.
8Keleh manangis, o ungkup, kilau bawi bujang je kapehe atei
je manatum pampatei bakal banae je eka sintae.
9Gandom tuntang anggor jari nihau
bara Human Tuhan.
Palus kare imam je baketep bagawi,
akan Tuhan pungu-pungut kapehe atei.
10Toh kare tana uras rusak.
Petak danum kapehe atei;
basa kare gandom jari lingis,
bua anggor jari keang,
tuntang undus saitun jari lepah.
11O oloh pamalan, keleh manatum!
O tukang kabon anggor, keleh manatum.
Basa gandom, jelei tuntang kakare taloh je inggetem lepah lingis.
12Kare batang bua intu padang uras keang,
aloh batang anggor, apel, ara, korma tuntang delima kea.
Maka kahanjak oloh handiai jaton tinai.
13O kare imam je bagawi intu mesbeh,
keleh mahapan tapih karong, tuntang keleh manangis.
Keleh tame akan Human Tuhan palus manangis hapus alem,
basa jaton tinai parapah anggor tuntang gandom akan Hatallan keton.
14Keleh marentah ungkup keton uka puasa,
keleh manampa parawei akan pumpong hai!
Rawei kare pamimpin tuntang kare
bakas lewu hayak kare oloh lewu Yuda,
mangat dumah akan Human Hatalla,
uka mantehau Hatalla mangat balaku awat.
15 #
Yes. 13:6
Andau ain Tuhan jari tokep; andau je bakaike-ikeh;
katika Je Jaton Tikas Kuasae te mimbit kabinasa.
16Taloh kinan lepah rusak intu taharep matan itah
hong Human Hatallan
itah jaton tinai auh surak-lahap.
17Binyi matei intu petak keang.
Dia aton gandom indu ingkes,
maka kare lepau buang tuntang manjadi ramon kaduroh.
18Meto mangkariak tuntang balisah;
jaton tinai padang oru akae.
Kawan tabiri mahin asi-asi.
19Aku balaku awat intu Ikau, o Tuhan
basa kare padang oru baseha keang
kare kayu mahin keang tuntang matei
sama kilau je inyeha apui.
20Kare meto bariar intu parak kayu
mahin mantehau Ikau balaku awat.
Ewen dia tau manganan teah belai,
awi kare sungei uras teah.
Currently Selected:
YO"EL 1: NIJ
Highlight
Copy
Compare
Share
Want to have your highlights saved across all your devices? Sign up or sign in
